Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Федор Щербаков

Щербаков Федор Васильевич (2.03.1914 - 7.06.1978) чужис Вӧлӧгда губерниялӧн Яренск уездса Турья сиктын (ӧні Коми Республикаса Княжпогост район). Сиктса школа помалӧм бӧрын уджаліс вӧр лэдзанінын да кер кылӧданінын. Велӧдчис Ухтаса горнӧй техникумын, помаліс Коми пединститутса кыв да литература факультетын кык курс. Уджаліс "Вӧрлэдзысь" газет редакцияын. 1942-1943-ӧд воясӧ вӧлі Великӧй Отечественнӧй войнаса фронтьяс вылын, сьӧкыда ранитчыліс. Гортас воӧм бӧрын уджаліс радиоын журналистӧн, Коми небӧг лэдзанінын редакторӧн да "Югыд туй" газетын сотрудникӧн.

Литератураӧ Ф.Щербаков заводитіс пырӧдчыны 1935-ӧд воясӧ. Медводдза кывбур чукӧрыс "Менам Отчизна" петіс сӧмын кызь во мысти - 1955-ӧд воӧ. Сэк жӧ сійӧ кутіс нимавны кыдзи поэт-песенник. "Коми му" да "Менам Отчизна" сьыланкывъясын поэт петкӧдлӧ войнабӧрся поколениелысь чужан му дорӧ сьӧлӧм кылӧмсӧ да радейтӧмсӧ. Ылӧдз нималӧны Ф.Щербаковлӧн кывъяс вылӧ гижӧм "Енэж кодь лӧз синъяса", "Кор ми аддзысьлам тэкӧд" лирическӧй сьыланкывъяс. Таысь кындзи сійӧ уджалӧ сонет жанрын. 1960-1970-ӧд воясӧ Ф.Щербаковлысь йӧзӧдлісны некымын кывбур чукӧр коми да роч кывъяс вылын. Медбӧръя небӧгыс "Годы, расскажите о себе" петаліс 1977-ӧд воын. СССР-са гижысь котырын 1956-ӧд восянь.  Дзебӧма Сыктывкарын.

Щербаков Федор Васильевич (2.03.1914-7.06.1978) родился в с.Турья Яренского уезда (ныне Коми Княжпогостский район). После окончания сельской школы работал на лесозаготовках и сплаве. Затем учился в Ухтинском горном техникуме, окончил два курса филологического факультета Коми пединститута. Был сотрудником редакции газеты "Вӧрлэдзысь" (Лесной рабочий). В 1942-1943 гг. воевал на фронтах Великой Отечественной войны, был тяжело ранен. После возвращения с войны работал радиожурналистом, редактором в Коми книжном издательстве, сотрудником газеты "Югыд туй" (Светлый путь).

Литературным творчеством Ф.Щербаков начал заниматься с 1935 г. Первая его книга "Менам Отчизна" (Моя Отчизна) вышла только в 1955 г., после двадцати лет занятий литературой. В это же время Ф.Щербаков стал широко известен как поэт-песенник. сборник 1977 года Патриотические чувства послевоенного поколения советских людей переданы поэтом в песнях "Коми му" (Земля Коми) и "Менам Отчизна" (Моя Отчизна). Большую популярность получили лирические песни на слова Ф.Щербакова "Енэж кодь лӧз синъяса" (Голубоглазая), "Кор ми аддзысьлам тэкӧд" (Только встречусь с тобою). Наряду с песнями в 1960-е гг. он обращается к жанру сонетов. В 1960-1970-е гг. было издано несколько сборников стихов Ф.Щербакова на коми и русском языках. Последняя книга "Годы, расскажите о себе" вышла в 1977 г. Член Союза писателей СССР с 1956 г.

Похоронен в Сыктывкаре.

Стихотворения Федора Щербакова,  перевод с коми Николая Малышева

ИВАН КУРАТОВ В РОДНОЙ КИБРЕ
Над ним висит тумана белый сон,
К нему тайга протягивает руки...
В родную Кибру возвратился он,
Соскучившись за много лет разлуки.

Что нового?
Опять забот полно!
Да, всё, как прежде, на земле родимой;
И отчий дом,
Где грустно и темно,
Опутан бедностью,
Как паутиной.

Вон там мужик —
Душа его пуста,
Босой, видать, не рад и белу свету.
На нем шабур из грубого холста,
А лучшего... Да не было и нету.

А вон,- прижавшись с клячею к холму,
Другой старик крестьянским занят делом..,
Не верится, небось, и самому,
Что скоро здесь шуметь колосьям спелым.

К земле прижала горькая судьба,
Забрало силу выжненное поле...
Куда бежать?
Полна детей изба —
Приходится гнуть спину поневоле!

Коль с урожаем вдруг не повезло,
Согнет нужда, ударит по затылку.
А чин уездный навестит село —
Беду забудь,- готовь ему бутылку.

А не поставишь — и не выйдешь в лес,
Не срубишь елку, не покосишь травы:
Тогда в начальстве оживает бес,
Готовый на жестокую расправу.

...Глядит на Кибру, на тайгу поэт,
Глядит на мир — и сухо-сухо в горле:
Здесь добрым всходам нужной почвы нет,
И оттого повысыхали корни.

О чем тут петь? Печаль стоит в глазах,
И груз забот его сгибает плечи.
И он поет о горестных слезах,
Чтоб было землякам от них чуть легче.
9.VII. 1964.

Сборник стихов 1955 года

 


МОЙ ЗЕМЛЯК, ОХОТНИК ЛАСЬ ЯР
В селе, в глухой тайге, в верховьях быстрых рек —
Хоть где — его душа открыта нараспашку:
Случись беда - отдаст последнюю рубашку,-
С ним не дружить нельзя - такой он человек.

Он не желает зла в округе никому,
Обветрен ветром он, умыт туманом мутным,
Всегда лицом к тайге, лицом к дорогам трудным.
Бесхитростен и прост - зайди, как друг, к нему.

Увидишь на столе все, чем он сам богат,
И семгой, и лещом, и сигом угостит он,
И скажет: - Ешь и пей! Чего зазря грустить там?..
И ты поймешь, что он тебе, как гостю, рад.
- Раз,- скажет,- посетить меня нашелся случай,
Будь сыт и пьян: Лась Яра знай обычай!
1947

КЛЕТКА
В неволе держат лис: и клетка их светла,
И воздух свеж и чист, но рыжим не живется.
К примеру, вот - одна. Ей было мало солнца,-
Ей снился темный лес — и пища в рот не шла.
Тревожили дрозды ее с недавних пор,
И сойки, что весь день шаманили на ветке.
Затворницей глухой она томилась в клетке
И, улучив момент, сбежала на простор.
Ей радостно, а нам? На ферме — кутерьма.
Не шутка!- зверь пропал. Теперь убытков - тьма!
Погоня, и лисе куда, усталой, деться?
Зверь снова пойман был и в клетку водворен,
Но только ржавый прут дверей увидел он —
И захватило дух, и оборвалось сердце!..
1968, июль.   Перевод Николая Малышева

Ф.В.Щербаков (1914-1978) - ЕМВАСА КОЛИПКАЙ · Серафим ПОПОВ, народнӧй поэт

Ф.В.Щербаков (1914-1978)

Педӧр Щербаковкӧд ми петім Емдін бердысь. Ме — джуджыд керӧс йылӧ пуксьӧм Зӧвсьӧртысь, а ёртӧй Емва бердса Турьяысь. Кыкнаннымӧс ичӧтысянь гажӧдісны шувгысь парма да турияслӧн сьыланкывъяс.

Ачыс вӧр-ваыс велӧдіс миянӧс гижны сьыланкывъяс.

Ме неуна велӧдчыштӧм бӧрын босьтчи уджавны вӧрын. Квайт во, дас квайт арӧса детинка, эг уськӧдлы киысь чер, пила да багыр. Педӧр Щербаковлы велӧдчыны кадыс сюри унджык. Сылӧн велӧдчигкості ме вит во жӧ кыскалі пельпӧм вылын салдатлысь шынель.

Войнаӧдзыс на ӧтчыд пуксьылім орччӧн да юасьлім ӧта-мӧдлысь: кутшӧм нӧ мыжысь пуксьӧдісны лагеръясӧ Нёбдінса Витторсӧ, Вениамин Чисталёвсӧ да разӧдісны-вӧтлісны гижысьяслысь став коми котырсӧ.

Буретш тайӧ лунъясас ми и тӧдмасим Ананий Размысловкӧд да "Коми комсомолец" газетса редактор Иван Ульяновкӧд, ыджыд вежӧра публицисткӧд. Помнита том гижысьяслысь медводдза конкурс. Меным сідзжӧ веськаліс неыджыд премия.

Ставнымӧс — Иван Вавилинӧс, Педӧр Щербаковӧс, Ананий Размысловӧс, Ваня Ульяновӧс, Василий Елькинӧс, Иван Симаковӧс, Владимир Латкинӧс — мӧдӧдісны фронт вылӧ. Пӧшти ставным веськалім Украинаӧ. Медводз, Харьков бердын, уси Ваня Ульянов, 1943 вося арын Днепр вуджигӧн, Кременчуг кар бердын, уси Ананий Размыслов. Сэсся усины Владимир Латкин, Егор Колегов да Иван Симаков.

Фашистъясысь Харьков мездігӧн Педӧр Щербаковлысь сюрса лысӧ жугӧдіс миналӧн торпыриг. Водзтіджык, ранитчылӧм бӧрын нин, Орлово-Курскӧй дуга веськӧдігӧн бомба чорыда дойдіс менсьым кокӧс.

Миянӧдз воліс юӧр, мый Ленинград блокадаысь мездігӧн усины Василий Елькин, Иван Осипов да Борис Ярасов.

Госпитальысь 1943 во помын поездын локтігӧн — менӧ лэдзисны бурдӧдчыны — видзчысьтӧг кодкӧ пӧся сывъяліс мышладорсянь. Ме ӧдйӧ бергӧдчи:— Педӧр Щербаков кӧ а?..
— Тӧдін, сідзкӧ?— бара менӧ кутіс сывъявлыны лейтенант.

Тадз ми сыкӧд паныдасим Ярославль кар бердын, пуксим вагонын орччӧн да, кажитчӧ, сёрнитім асылӧдзыс, кытчӧдз эз кут дзикӧдз югдыны арся пемыд войыс.

Котлас бӧрын нин кутім бара тӧдмавны коркӧ аддзывлӧминъяс.

Со и Эжвасӧ вомӧналысь кӧрт поскыс, сы увті война заводитчӧм бӧрын миянӧс лунвылӧ кыскис пароход... Казьтылӧмыс чужтіс лыдтӧм мӧвпъяс, колӧ вӧлі йӧзыслы висьтавны, мый аддзылім. Помнитім Иван Куратовлысь, Виктор Савинлысь, Михаил Лебедевлысь да Вениамин Чисталёвлысь кывбуръяссӧ, но ӧд кадыс вӧлі дзик мӧд нин, колӧ вӧлі сьылӧдны лёк вӧрӧглы паныд советскӧй йӧзлысь тышсӧ, трудовӧй подвигсӧ.

Ӧні, дерт, кодъяскӧ и дивитӧны, мый сійӧ кадӧ Педӧр Щербаков, да и мукӧд гижысьяс, этша зілисны пырӧдчыны асланыс да найӧс кытшалысь войтыр лов пытшкӧ, сериасалісны плакатъясын петкӧдлӧм йӧзӧс. Сэтшӧм вӧлі кадыс! Медым эськӧ кодкӧ босьтчыліс паныд мунны татшӧм индӧдъясыслы! Местаыс вӧлі тырмымӧн на ГУЛАГ лагерьясад!

Шонділань петкӧдысь бурджык мӧд туй пӧшти некод эз надейтчы аддзыны. Ӧнітӧ, дерт, бура тӧдам, мый вӧвлӧм вождькӧд ыджыд корабль вылын бӧжалысьяс дзикӧдз кисьтісны олӧмсӧ.

Татшӧм трагедия ковмис вуджны миян поколениелы ХХ-ӧд нэмын.

Война вылысь воӧм бӧрын да кывбуръясӧн медводдза книгаяс лэдзӧм бӧрын (сьӧмыс кузь туй вылад колӧ ӧд уна!) Педӧр Щербаков медводз ветліс Украинаӧ корсьны аслас медся радейтана ёртыслысь, Ананий Размысловлысь, братскӧй гусӧ. Сэні нин тӧдмаліс, мый сылӧн сапёрнӧй ротаыс нюжӧдіс Днепр вомӧн Кременчуг кар бердын понтоннӧй поссӧ да отсаліс ӧдйӧ мунны рытыввылӧ миян армияяслы да танковӧй дивизияяслы. Тані, Днепр мӧдар берегас нин, геройскӧя тышкасис фашистъяскӧд А.Размысловлӧн сапёрнӧй ротаыс.

Педӧр Щербаков корсис и найӧс, кодъяс аддзылісны тайӧ тышсӧ, сэсся моздораныс босьтісны сьӧкыда ранитчӧм командирӧс да пыртісны ӧти украинскӧй хатаӧ. Но аслас сылӧн вежӧрыс эз нин югдыв...

Уна вӧчисны, но этша вевъялісны гижны фронт вылын усьӧм том поэтъяс, водз кувсьӧм ыджыд вежӧра композиторъяс. Педӧр Щербаков пыр казьтывліс Иван Симаковӧс да Егор Колеговӧс, Василий Елькинӧс, Иван Осиповӧс, Яков Перепелицаӧс да Александр Осиповӧс, кодъяскӧд ӧтлаын тшӧтш и уджавліс.

Щербаков пыр тышкасис сы вӧсна, медым творческӧя уджалысьяс — гижысьяс, музыка чужтысьяс, художникъяс — пыр отсасисны ӧта-мӧдныслы, лоисны медматыс ёртъясӧн. И эз завидьтыны ӧта-мӧдныслӧн вермӧмъяслы.

Медся омӧль, кор творческӧя уджалысьяс котырӧн юрнуӧдны веськалас сӧмын асьсӧ радейтысь морт. Генийясысь ӧти, Лев Николаевич Толстой, ӧлӧдліс да тшӧктіс видзчысьны татшӧм мортысь, коді кисьтӧ став творческӧй уджсӧ. Но партиялӧн обкомын ставсӧ вӧчлісны на мӧдарӧ да гугӧн, кызь воясӧн пукӧдісны юрнуӧдысьясӧн ковтӧм йӧзӧс.

И войнабӧрса олӧмыс Фёдор Васильевичлӧн эз ло ёна кокниӧн.

Сійӧ чужліс 1914 вося март 2 лунӧ, челядьдырыс колис миян войвылын няньтӧмтшыг воясӧ гӧль крестьянинлӧн семьяын. Сэк нин, челядялан кадӧ, сылы ковмыліс верстьӧ войтыркӧд тшӧтш уджавны муяс да видзьяс вылын. Ме унаысь волывлі Турьяас, коді сійӧ кадӧ пырліс Емдін районӧ жӧ, эг этшаысь узьлы сылӧн шоныд паччӧр вылас да кывзы батьыслысь мича мойдъяссӧ. Вежон-мӧд мысти батя-пиалы ковмас пуксьыны пыжӧ да зібъясьӧмӧн бара кыпӧдчыны визув Емва йылӧ. 200—250 километр ылнаӧдз пуктыны турун. Буретш татшӧм уджыс и отсавліс сылы вынсявны да венны сьӧкыдлунъяссӧ. А война вылысь воӧм бӧрын сылы медсясӧ ӧтнаслы нин ковмис вердны уна челядьӧс, гӧтырсӧ да асьсӧ. Быдӧнӧс колӧ вӧлі пасьтӧдны-кӧмӧдны, вердны, а сэсся коркӧ и мӧвпыштны да гижны выль сьыланкыв. Вот и ковмыліс унджык кадсӧ пукавны-мырсьыны редакцияын, музейясын, издательствоын.

Со сылӧн кывбуръяса медводдза книгаясыс — "Менам Отчизна", "Тулыс", "Кодзувъяс оз куслыны". Книгаяслӧн нимъясыс нин висьталӧны, кутшӧм ёна сійӧ радейтліс олӧмсӧ, тулыссӧ, ёртъяссӧ. Ӧні, дерт, кор ёнджыка кутім тышкасьны чужан кывлӧн сӧстӧмлун вӧсна, кокни мыжавны поэтӧс сыысь, мыйла сійӧ, кор колӧ и оз ков, пыртіс кывбуръясас уна роч кыв. Роч кывтӧ ми некутшӧма ог кедзовтӧй. Сійӧ асланым чужан кыв моз жӧ пырис миян олӧмӧ. Сійӧ бордъявліс миян пӧльяслысь пӧльяссӧ, тысяча во чӧж ӧтлаын олігӧн и локтан нэмъясӧ пыр вӧлі и лоас мусаӧн. Но чужан кыв пыр лоас чужан кывйӧн. "Менам Отчизна" книгаас кывъяссӧ ковтӧг гудралӧмыс и чинтӧ донсӧ. Бӧръя книгаясас сылӧн кывбуръясыс лоины сӧстӧмджыкӧсь. Педӧр Щербаков колис миянлы уна сьыланкыв. Налы музыкасӧ гижис медся-сӧ Александр Осипов, ыджыд таланта композитор. Найӧ вӧліны бур ёртъясӧн. Фронт вылысь Александр Осипов локтіс чуньястӧг, но гижис и ворсіс фортепиано вылын медбур мастер моз. Творческӧя ёртасьӧмыд и поэтлы, и композиторлы сетӧ ыджыд вын.

Поэзиятӧ важысянь озырмӧдлісны сонетъяс — дженьыдик, но ыджыд мастер киӧн гижӧм 14 строчкаа кывбуръяс. Водзті В.Савинлӧн, М.Лебедевлӧн, В.Чисталёвлӧн книгаясын найӧ эз паныдасьлыны. Медводз Педӧр Щербаков пуктіс сонетъяслы нодувсӧ. И йӧзӧдіс ветымын кымын сонет.

Со "Кодзувъяс оз кусны" книгаысь "Коді радейтӧ":

А радейтӧ кӧ, сы йылысь гораа оз шу,
и кутшӧм муслунлы йӧз ордӧ петны колӧ!
Друг йӧзасяс кӧ кыдзкӧ, муслун йылысь полӧ,
ӧд сійӧ мича сэк, кор вевттьӧма том ру.
. . . . . . . . . . . . . . . . . . . . . . . . .
Тэ ӧтчыд окасьлан и сёысь, но он пӧт,
и кутшӧм долыд тэныд! Дойман — дой он тӧд,
и шуан: мыйла водзджык туй эз лӧсяв?

А со и "Колипкай" сонет:

Кыдз пу расын колип бара сьылӧ,
ӧзтӧ морӧс сьыланкылыс сылӧн.
— Колип, колип, сӧдз да мича гӧлӧс,
сьыланкылыд тэнад кымын пӧлӧсӧ
Песенниксьыд торйӧд меным джынсӧ,
кыпӧд менам сьыланкывлысь вынсӧ.

Медся тӧдчана сылӧн произведениеяс лыдын — "Домна Калнкова" драма. Сійӧс сиӧма коми войтырлӧн национальнӧй героиня Домна Каликовалы да сылӧн боевӧй ёртъяслы. Кадыс вежсис, да и йӧзыс вежсисны, но сійӧ, коді аслас народлӧн да сылӧн чужан мулӧн ним кузя тышкасис да сетіс ассьыс олӧмсӧ, некор оз кувлы. Домна Каликоваӧс кутасны казьтывны и локтан нэмъясын.

Коми поэзия сӧвмӧ, быдмӧны том поэтъяс, кодъяс кыпӧдасны коми поэтическӧй культуратӧ нӧшта вылӧджык тшупӧд вылӧ. Да мӧд ногӧн оз вермы и лоны. И.Куратовсянь заводитӧмӧн, миян кадся поэтъяс В.Савин, В.Чисталёв, М.Лебедев да В.Лыткин уна нин вӧчисны коми поэзиянымӧс вынсьӧдӧм кузя.

Ми олам Комиын, эм кодъяслысь велӧдчыны, вермам сэтшӧм жӧ гораа сьывны, серавны, уджавны, кыдз сьылӧны, сералӧны да уджалӧны народъяслӧн пиян да нывъяс.

Сьыланкывъясыс Емваса колипкайлӧн оз жӧ ланьтлыны, кӧть сюрса лысӧ ёна дойдлӧм фронтовиклы эз сет аслыс пасйыны 80 арӧс тыран лунсӧ.

Серафим ПОПОВ, народнӧй поэт, 1994.

Реклама Google: