Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Илля Вась     Василий Лыткин

Vasily Lytkin
Vasily Lytkin

Лыткин Василий Ильич (27.12.1895 - 27.08.1981) чужис Усть-Сысольск бердса (öні Сыктывкар) Тентюков грездын. Велöдчис карса училищеын, сэсся Тотьмаын велöдысьясöс дасьтан семинарияын. Вöлі сар армияын, тышкасис медводдза мирöвöй да гражданскöй войнаяс вылын.

1925-öд воӧ помаліс Москваса университетын филология факультет, 1929-öд воӧ аспирантура. Велöдіс рöдвуж кывъяс Финляндияын, Германияын да Венгрияын. 1927-öд воӧ Будапештса университетын велöдчöм бöрын лои философия наукаясса докторöн. 1930-1933-öд воясӧуджаліс МГУ-ын доцентöн, вöлі велöдысьöн Коми пединститутын. 1933-öд воӧ В.Лыткинöс подувтöг мыждісны да йöртісны дзескыдінӧвит во кежлö. Пукаліс Ылі Асыввылын. В.Лыткинлысь нимсӧбöр бергöдісны коми йöзлы 1958-öд воö.

Уна вояс чöж В.И.Лыткин нуöдіс ыджыд научно-педагогическöй удж миян странаса вузъясын. 1946-öд воын "Древнепермскöй кыв да пермскöй кывъяслöн историческöй грамматика" уджысь сылы сетісны филология докторлысь ученöй степень. Дас воысь унджык веськöдліс СССР-са наукаяс Академияын языкознание институтса финно-угорскöй кывъяс секторöн. Ыджыд пай пуктіс куратоведениеö. Таысь кындзи В.И.Лыткин - коми поэт. Уна гижис челядьлы. Коми литератураын нэмъяс чöж кутас овны сылöн "Мунöны" поэмаыс. СССР-са гижысь котырын 1958-öд восянь.

В.И.Лыткин - Коми АССР-са И.А.Куратов нима Государственнöй премияа лауреат, РСФСР-са да Коми АССР-са наука да техника юкöнын заслуженной уджалысь.  Куліс Москваын, дзебисны Сыктывкарын.



Лыткин Василий Ильич (27.12.1895 - 27.08.1981) родился в с. Тентюково (ныне район Сыктывкара). Учился в Усть-Сысольском городском училище, Тотемской учительской семинарии. После учебы был мобилизован в царскую армию, участвовал в Первой мировой, затем в гражданской войне.

В 1925 окончил филологический факультет Московского университета, затем аспирантуру. В течение двух лет находился в научной командировке в Финляндии, Германии и Венгрии. В 1927 году получил ученую степень доктора философии Будапештского университета. В 1930-1933 работал доцентом МГУ и был одним из первых преподавателей открывшегося в 1932 Коми пединститута. В 1933 Василий Лыткин был необоснованно арестован и осужден на пять лет. Отбывал срок в Дальневосточном трудовом лагере. В 1956 полностью реабилитирован.

В течение многих лет В.Лыткин работал в вузах страны, вел большую научно-педагогическую работу. В 1946 за исследование "Древнепермский язык и историческая грамматика" получил ученую степень доктора филологических наук. В.И.Лыткин - ученый с мировым именем, в течение 10 лет заведовал сектором финно-угорских языков в Институте языкознания АН СССР, автор 11 монографий и более 300 научных статей. В.Лыткин был не только видным ученым, известным куратоведом, но и поэтом. Много писал для детей. В сокровищницу коми литературы вошла его поэма "Мунöны" (Идут). Член союза писателей СССР с 1958.

В.И.Лыткин - лауреат Государственной премии Коми АССР им.Куратова, заслуженный деятель науки и техники Коми АССР и РСФСР, почетный член ряда международных обществ.

Умер в Москве. Урна с его прахом покоится на кладбище Сыктывкара.

Автобиография, Очерк грамматики Коми языка Василия Лыткина (1961),  Лексикография, О говоре древне-коми письмен (1931).
скачать: Асjа Кыа (1924), автор Илля Вась, первая книга для чтения после букваря, zip, pdf, 48Mb.
Комі Гіжысjac (1926) обзор коми литературы, zip, pdf, 17Mb. Этимологический словарь коми языка (1970), zip, pdf, 62Mb.
Сборник литературных произведений Василия Лыткина Дзордзав жӧ, Коми му (1985), zip, pdf, 180Mb.
Сборник литературной публицистики Василия Лыткина Мый медся дона да муса (1994), pdf, 226Mb.
Учебники грамматики и другие книги Василия Лыткина скачать в Коми книги архив.

Илля Вась в 1959-1972 работал в институте языкознания АН СССР, в 1962-1972 зав.сектором финно-угорских языков. В 1970-е читал спецкурсы в университетах Москвы, Сыктывкара, проводил научные консультации в Институте языка, литературы и истории Коми филиала АН СССР. Защитил кандидатскую диссертацию в 1943 по теме "Древнепермская графика", и докторскую в 1946 по теме "Древнепермский язык и историческая грамматика пермских языков".

В.И.Лыткин - известный коми поэт, литературный критик, переводил произведения на Коми язык. Член Союза писателей СССР (с 1958). Один из организаторов Куратовских чтений в Сыктывкаре (с 1965).

Международная научная конференция "В.И.Лыткин: грани наследия" состоялась 25-26 ноября 2010 в Сыктывкарском университете.

Кӧсъя ме сьыланкыв тэчны,
Медым эськӧ ойбыртысъ сайкалӧ
Медым ставнас, вир-яйнас вӧрзьылас,
Вынйӧрӧн чукйӧн тыр
Сьӧлӧмыс ӧзйылас.

Илля Вась.   

Я песню хочу сложить,
Чтобы спящий проснулся,
Чтоб воспрянул всем существом;
Чтоб силой переполненное
Сердце его встрепенулось.
    Илля Вась, перевод подстрочный.

*   *   *

МЕНАМ МУЗА
Менам муза сьӧд вӧр шӧрын
Кӧдзыд лунӧ чужи;
Айыс, пӧльыс сылӧн волі
Прӧстӧй коми мужик.
Гажа ягын черлысь тотшкӧм,
Пила нязгӧм кывліс;
Видзьяс вылын турун шульсйиг
Сьыланкыв мем сьывліс.
Меным сьыліс, кыдзи йӧзыд
Кынӧмпӧтла пессьӧ,
Кыдзи пӧсьыс коми мортлӧн
Ведраысь моз лэччӧ.
Кыдзи юяс, видзьяс, парма -
Ставыс морт моз олӧ.
Кыдзи сэтчӧ коми мортыс
Пальӧдчыны волӧ...
Мукӧд дырйи пемыд рытын
Пуксяс сійӧ дорам.
Збоя... нора сьывны тшӧктас.
Сьыла... Сёрӧдз-сёрӧдз.

1918.

 

Петав, дона-й, петав, муса-й,
Веж луд вылӧ ворсны -
Сё зарнитӧ, вошӧм гажтӧ
Нимкодясиг корсьны.

Югыд шонді синтӧ ёрӧ,
Гажа вадор йылын!
Шлывгӧ сӧдз ю керос увті.
Парма шувгӧ ылын.

Петӧмаӧсь гажӧдчыны
Том йӧз берег вылӧ.
Налӧн нора сьылӧм шыыс
Вӧлӧсть пасьта кылӧ.

Петав дона-й, петав, муса-й,
Веж лун вылӧ ворсны -
Воштӧм гажтӧ, сё зарнитӧ
Выльысь бара корсьны.

1928.

МОЯ МУЗА
Родилась она не в барском,
А в мужицком доме,
Родилась в лесу, в чащобе,
У простого коми.
Звон пилы она слыхала,
Стон сосны слыхала,
Мне бывало в дни покоса
Песню напевала.
Пела мне, как трудно людям,  
Как горька работа,
Как крестьяне в поле гнутся
До седьмого пота.
Про луга она мне пела,
Про тайгу, про реку,
Что дают забвенье, радость,
Отдых человеку...
Поздним вечером из дому
Выйду наудачу -
Сядет рядом, петь прикажет.
И пою... и плачу.
1918.   Перевод Г. Пагирева.



Илля Вась, художник Э.Козлов,
музей Сыктывкар университета.

КОДI КЫДЗИ ГОРЗӦ
Юрсӧ лэптас вылӧ,
"Кукуруллю" сьылӧ.
"Кот-кот, кот-кот-кот,
Кольк тэд вайи вот!"
"Тив-тив-тив"-тӧ тэ эн тивӧст:
Кыйӧдчӧ со уска дивӧ,
Уськӧдчис со "Няв!"
Сильӧяс - сюв-сяв.

Дзиръя дорын: "Ув-в!
Шышлысь лэдза сюв!"
"Му-му! - горӧ, оз ов чӧв:-
Кодлы колӧ чӧскыд йӧв?
Ба! Туруныс веж".
Люкыштас ӧд... кеж!
Майӧг йылын: "Крав!"
Вот и сэсся став.

ИЛЛЯ ВАСЬ.


Илля Вась

Илля Вась фото 1920-х.

Василий Ильич Лыткин (Илля Вась) - поэт, коми сӧветскӧй литературалы подув пуктысьяс пиысь ӧти, СССР-са писательяс Союзса член, паськыда нималана ученӧй-лингвист, финно-угровед, филология наукаясса доктор, профессор, 200 саяс научнӧй уджъяслӧн автор, Коми АССР-са да РСФСР-са наукаясса да техникаса заслуженнӧй деятель, Коми АССР-са И.А.Куратов нима государственнӧй премияа лауреат, нёль международнӧй обществоса почетнӧй член: Финно-угорскӧй (Хельсинки), Урало-Алтайскӧй (Гамбург), Венгерскӧй филология (Будапешт), Эстония чужан кыв (Таллин).

В.И.Лыткин чужліс 1895-ӧд вося декабрь 27-ӧд лунӧ Сыктывкар бердса Тентюково сиктын гӧль крестьянин семьяын. Кык арӧсӧн колис батьтӧг. Тшыг нисьӧ пӧт велӧдчис Усть-Сысольскса городскӧй училищеын. Тӧлка да зіль коми зон бура сдайтіс экзаменъяс да этша лыда стипендиатъяс пиын 1912-ӧд воын пырис велӧдчыны Тотемскӧй учительскӧй семинарияӧ. Тані велӧдчигас и гижис ассьыс медводдза кывбуръяссӧ. Том поэтлӧн музаыс "дорйӧ" гӧль йӧзӧс ("Дзодзӧг", "Парма вӧрын"). Ыджыд лӧглунӧн сійӧ гижӧ озыръяс, голь йӧзӧс нартитысьяс йылысь ("Аристократлы", "Озырлы"). Семинария помалӧм бӧрын Лыткинлы ковмис служитны царскӧй армияын. Сэні суис сійӧс Октябрьскӧй революция, кодлӧн гыясыс регыд воисны и пармаӧ, садьмӧдісны коми йӧзӧс.

Коми писатели

Красноармеец В. Лыткин (шуйгавылас) да Кай-Чердынскӧй полкса пулеметнӧй командаса начальник А. Надеев.
Вӧлӧгда кар, 1920-ӧд во.

1918-ӧд воын Усть-Сысольскса УОНО (уезднӧй народнӧй образование отдел) бердын корытчис сідз шусяна "Коми комиссия", кытчӧ пырисны велӧдчӧм йӧз. На водзын вӧлі сувтӧдӧма ыджыд мог: чукӧртны фольклор, комиӧдны роч да мукӧд народъяслӧн классикъяслысь произведениеяс, лӧсьӧдны коми школаяслы велӧдчан книгаяс, коми йӧзлы-литература. Тайӧ комиссияас мукӧд гижысьяскӧд тшӧтш (В.Савин, М.Лебедев, В.Чисталев, И.Чисталев, Ф.Попов) зіля уджаліс Усть-Сысольскӧй начальнӧй школаса учитель В.И.Лыткин. Революция бӧрын Илля Вась творчествоын чужӧны выль мотивъяс, выль темаяс. Поэт петкӧдлӧ мездлун вӧсна йӧзлысь тышсӧ, олӧм вежсьӧмсӧ ("Ыджыд асыв", "Май первӧй лун", "Октябрь лунӧ", "Ыджыд тӧлӧн"). Тайӧ кывбуръясыс бӧрынджык пырисны медводдза школьнӧй хрестоматияясӧ: "Шонді югӧр" (1921), "Выль туйӧд" (1923), "Асъя кыа" (1924) (Коми книги архив). Том гижысьлысь творчествосӧ орӧдліс гражданскӧй война. 1919-ӧд воын Лыткин доброволечӧн муніс дорйыны Сӧвет власть. Тышкасис белӧйяскӧд Войвывса да Польскӧй фронтъяс вылын.

1922-ӧд воын В.И.Лыткин пырӧ велӧдчыны Первӧй Московскӧй университетса филологическӧй факультетӧ, роч кыв отделениеӧ. Велӧдчан воясас гижис "Ичӧт школалы коми грамматика", "Коми литературнӧй кыв да орфография" книгаяс, коми письменность история кузя статьяяс. Университет помалӧм бӧрын Лыткин велодчис аспирантураын. Финно-угроведение пыдіджыка велӧдӧм могысь 1928-ӧд воын сійӧ ветліс научнӧй командировкаӧ Финляндияӧ, Германияӧ, Венгрияӧ. Будапештскӧй университетын финно-угорскӧй филологиялысь курс экстернӧн помалӧмысь В.И.Лыткинлы сетісны философия докторлысь диплом.

Уна вояс чӧж В.И.Лыткин нуӧдіс ыджыд научно-педагогическӧй удж миян странаса вузъясын. 1943-ӧд воын "Древнепермскӧй графика" тема кузя дорйис кандидатскӧй диссертация. 1946-ӧд воын "Древнепермскӧй кыв да пермскӧй кывъяслӧн историческӧй грамматика" уджысь сылы сетісны филология докторлысь учёнӧй степень. Дас воысь унджык Лыткин веськӧдліс СССР-са наукаяс Академияын языкознание институтса финно-угорскӧй кывъяс секторӧн. Аслас научнӧй уджъяснас сійӧ кутіс нимавны уна странаын. Лыткин пуктіс научнӧй подув коми грамматика да синтаксис, лексика да фонология велӧдӧмын, налысь историясӧ тӧдмалӧмын. Сійӧ юрнуӧдіс ӧткымын финно-угорскӧй кывъяслысь словарьяс лӧсьӧдӧмӧн да редактируйтӧмӧн. Лыткин водзмӧстчӧмӧн лои котыртӧма куим юкӧна "Основы финно-угорского языкознания" йӧзӧдӧм. Сылӧн нимкӧд йитчӧма финно-угроведъяслысь международнӧй конгрессъяс нуӧдӧм. Квайтӧд международнӧй конгресс 1985-ӧд воын шуӧма нуӧдны Сыктывкарын - профессор Лыткинлӧн чужан муын. Финскӧй учёнӧй Эркки Итконен гижліс: "Матысса да ылысса коллегаяс пыдди пуктӧны В.И.Лыткинӧс кыдз дона ёртӧс, народъясӧс ӧта-мӧд дорас став сьӧлӧмнас матыстны зільысьӧс, объективнӧй да ыджыд мывкыда исследовательӧс, гуманнӧй мыслительӧс, коді уна буртор вӧчис коми йӧзлы да паськыда нимӧдіс найӧс".

Коми писатели

Коми да коми-пермяцкӧй литераторъяс. Москва, 1928-ӧд вося октябрь. Пукалӧны (шуйгавывсянь веськыдвылӧ): В.И.Лыткин (Илля Вась), Н.А.Шахов (Сандрик Микол), А.Н.Чеусова, А.П.Зубов (Питю Ӧньӧ). Сулалӧны: И.И.Сажин (Ичӧт Иван), Г.А.Нечаев, Ф.Г.Тараканов, В.Е.Удоратин, А.А.Маегов.

книга 1959 годакнига 1959 годаавтограф Василия Лыткинаавтограф Василия Лыткина



Василий Лыткин. Древнепермский язык, 1952. Монография докторской диссертации.

В.И.Лыткин пыр тӧждысис рӧднӧй литература сӧвмӧм вӧсна. 1928-ӧд воын сійӧ вӧлі делегатӧн пролетарскӧй писательяслӧн Ставсоюзса съезд вылын Москваын, лыддьывліс докладъяс КАПП-лӧн (Коми пролетарскӧй писательяслӧн ассоциация) конференцияяс вылын, вӧлі делегатӧн Коми АССР-са писательяслӧн съездъяс вылын. Воысь-во содіс и гижан сямыс. 1927-ӧд воын поэт йӧзӧдіс ассьыс медтӧдчана гижӧдъясысь ӧтиӧс - поэма "Мунӧны", коді пырис коми литературалӧн зарни кудйӧ. Поэмасӧ сиӧма Великӧй Октябрьлӧн 10 во тырӧмлы. Шӧр идеяыс сылӧн - юрнимас: коми пиян мунӧны дорйыны социалистическӧй чужан му. Гижӧма поэмасӧ мича, сӧстӧм коми кывйӧн. 1929-ӧд воын Илля Вась лэдзис "Кывбуръяс", 1932-ӧд воын - "Выль шыяс", 1959-ӧд воын - "Шонді петігӧн" кывбура книгаяс. Сійӧ комиӧдіс кывбуръяс А.Пушкинлысь, В.Маяковскийлысь, Д.Бедныйлысь, К.Чуковскийлысь, С.Маршаклысь, удмуртскӧй поэтъяслысь - Кузебай Гердлысь да Ашальчи Окилысь, финскӧй - Еркколысь, венгерскӧй - Ш.Петёфилысь, немецкӧй - Г.Гейнелысь.  В.Лыткин - юмор да сатира мастер. Прозаӧн гижӧм сылӧн "Серамбана висьтъяс" книгаыс (1966) петкӧдлӧ и серамтӧ и тшӧтш чужтӧ ыджыд мӧвпъяс. Уна радлун сійӧ вайис и посни челядьлы: "Пипилысты Сокол", "Пера-багатыр", "Тӧрӧкан", "Дзизгысь-дзазгысь гут" да мукӧд книгаяс нимкодьпырысь лыддьӧны коми челядь.

Ыджыд пай В.И.Лыткин пуктіс литературоведениеӧ, торйӧн нин куратоведениеӧ. Наука да литература сӧвмӧдан ыджыд уджысь В.И.Лыткинӧс наградитісны "Дружба народов" орденӧн. Кувсис ыджыд мывкыда ученӧй да поэт 1981-од вося август 27-ӧд лунӧ. Нимыс сылӧн нэмъяс чӧж кутас овны йӧз паметьын.


Информация со стенда на конференции
"В.И.Лыткин: грани наследия", ноябрь 2010.

Реклама Google: