Илля Вась     Василий Лыткин

Лыткин Василий Ильич (27.12.1895 – 27.08.1981) чужис Усть–Сысольск бердса (öнi Сыктывкар) Тентюков грездын. Велöдчис карса училищеын, сэсся Тотьмаын велöдысьясöс дасьтан семинарияын. Вöлi сар армияын, тышкасис медводдза мирöвöй да гражданскöй войнаяс вылын.

1925–öд воö помалiс Москваса университетын филология факультет, 1929–öд воö аспирантура. Велöдiс рöдвуж кывъяс Финляндияын, Германияын да Венгрияын. 1927–öд воö Будапештса университетын велöдчöм бöрын лои философия наукаясса докторöн. 1930–1933–öд воясöуджалiс МГУ–ын доцентöн, вöлi велöдысьöн Коми пединститутын. 1933–öд воö В.Лыткинöс подувтöг мыждiсны да йöртiсны дзескыдiнöвит во кежлö. Пукалiс Ылi Асыввылын. В.Лыткинлысь нимсöбöр бергöдiсны коми йöзлы 1958–öд воö.

Уна вояс чöж В.И.Лыткин нуöдiс ыджыд научно–педагогическöй удж миян странаса вузъясын. 1946–öд воын "Древнепермскöй кыв да пермскöй кывъяслöн историческöй грамматика" уджысь сылы сетiсны филология докторлысь ученöй степень. Дас воысь унджык веськöдлiс СССР–са наукаяс Академияын языкознание институтса финно–угорскöй кывъяс секторöн. Ыджыд пай пуктiс куратоведениеö. Таысь кындзи В.И.Лыткин – коми поэт. Уна гижис челядьлы. Коми литератураын нэмъяс чöж кутас овны сылöн "Мунöны" поэмаыс. СССР–са гижысь котырын 1958–öд восянь.

В.И.Лыткин – Коми АССР–са И.А.Куратов нима Государственнöй премияа лауреат, РСФСР–са да Коми АССР–са наука да техника юкöнын заслуженной уджалысь.  Кулiс Москваын, дзебисны Сыктывкарын.

Лыткин Василий Ильич (27.12.1895 – 27.08.1981) родился в с. Тентюково близ г. Усть–Сысольска (ныне Сыктывкар). Учился в Усть–Сысольском городском училище, Тотемской учительской семинарии. После учебы был мобилизован в царскую армию, участвовал в Первой мировой, затем в гражданской войне.

В 1925 окончил филологический факультет Московского университета, затем аспирантуру. В течение двух лет находился в научной командировке в Финляндии, Германии и Венгрии. В 1927 году получил ученую степень доктора философии Будапештского университета. В 1930–1933 работал доцентом МГУ и был одним из первых преподавателей открывшегося в 1932 г. Коми пединститута. В 1933 Василий Лыткин был необоснованно арестован и осужден на пять лет. Отбывал срок в Дальневосточном трудовом лагере. В 1956 полностью реабилитирован.

В течение многих лет В.Лыткин работал в вузах страны, вел большую научно–педагогическую работу. В 1946 году за исследование "Древнепермский язык и историческая грамматика" получил ученую степень доктора филологических наук. В.И.Лыткин – ученый с мировым именем, в течение 10 лет заведовал сектором финно–угорских языков в Институте языкознания АН СССР, автор 11 монографий и более 300 научных статей. В.Лыткин был не только видным ученым, известным куратоведом, но и поэтом. Много писал для детей. В сокровищницу коми литературы вошла его поэма "Мунöны" (Идут). Член союза писателей СССР с 1958 г.

В.И.Лыткин – лауреат Государственной премии Коми АССР им.Куратова, заслуженный деятель науки и техники Коми АССР и РСФСР, почетный член ряда международных обществ.

Умер в Москве. Урна с его прахом покоится на кладбище Сыктывкара.

Кöсъя ме сьыланкыв тэчны,
Медым эськö ойбыртысъ сайкалö
Медым ставнас, вир–яйнас вöрзьылас,
Вынйöрöн чукйöн тыр
Сьöлöмыс öзйылас.
Илля Вась

Я песню хочу сложить,
Чтобы спящий проснулся,
Чтоб воспрянул всем существом;
Чтоб силой переполненное
Сердце его встрепенулось.
Илля Вась, перевод подстрочный

Илля Вась фото 1920–х.

Василий Ильич Лыткин (литературнöй псевдонимыс – Илля Вась) – поэт, коми сöветскöй литературалы подув пуктысьяс пиысь öти, СССР–са писательяс Союзса член, паськыда нималана ученöй–лингвист, финно–угровед, филология наукаясса доктор, профессор, 200 саяс научнöй уджъяслöн автор, Коми АССР–са да РСФСР–са наукаясса да техникаса заслуженнöй деятель, Коми АССР–са И.А.Куратов нима государственнöй премияа лауреат, нёль международнöй обществоса почетнöй член: Финно–угорскöй (Хельсинки), Урало–Алтайскöй (Гамбург), Венгерскöй филология (Будапешт), Эстония чужан кыв (Таллин).

В.И.Лыткин чужлiс 1895–öд вося декабрь 27–öд лунö Сыктывкар бердса Тентюково сиктын гöль крестьянин семьяын. Кык арöсöн колис батьтöг. Тшыг нисьö пöт велöдчис Усть–Сысольскса городскöй училищеын. Тöлка да зiль коми зон бура сдайтiс экзаменъяс да этша лыда стипендиатъяс пиын 1912–öд воын пырис велöдчыны Тотемскöй учительскöй семинарияö. Танi велöдчигас и гижис ассьыс медводдза кывбуръяссö. Том поэтлöн музаыс "дорйö" гöль йöзöс ("Дзодзöг", "Парма вöрын"). Ыджыд лöглунöн сiйö гижö озыръяс, голь йöзöс нартитысьяс йылысь ("Аристократлы", "Озырлы"). Семинария помалöм бöрын Лыткинлы ковмис служитны царскöй армияын. Сэнi суис сiйöс Октябрьскöй революция, кодлöн гыясыс регыд воисны и пармаö, садьмöдiсны коми йöзöс.

Красноармеец В. Лыткин (шуйгавылас) да
Кай–Чердынскöй полкса пулеметнöй
командаса начальник А. Надеев.
Вöлöгда кар, 1920–5д во.

Красноармеец В.Лыткин (слева) и начальник
пулеметной команды Кай–Чердынского
полка А.Надеев. Вологда, 1920 г.

1918–öд воын Усть–Сысольскса УОНО (уезднöй народнöй образование отдел) бердын корытчис сiдз шусяна "Коми комиссия", кытчö пырисны велöдчöм йöз. На водзын вöлi сувтöдöма ыджыд мог: чукöртны фольклор, комиöдны роч да мукöд народъяслöн классикъяслысь произведениеяс, лöсьöдны коми школаяслы велöдчан книгаяс, коми йöзлы–литература. Тайö комиссияас мукöд гижысьяскöд тшöтш (В.Савин, М.Лебедев, В.Чисталев, И.Чисталев, Ф.Попов) зiля уджалiс Усть–Сысольскöй начальнöй школаса учитель В.И.Лыткин. Революция бöрын Илля Вась творчествоын чужöны выль мотивъяс, выль темаяс. Поэт петкöдлö мездлун вöсна йöзлысь тышсö, олöм вежсьöмсö ("Ыджыд асыв", "Май первöй лун", "Октябрь лунö", "Ыджыд тöлöн"). Тайö кывбуръясыс бöрынджык пырисны медводдза школьнöй хрестоматияясö: "Шондi югöр" (1921), "Выль туйöд" (1923), "Асъя кыа" (1924). Том гижысьлысь творчествосö орöдлiс гражданскöй война. 1919–öд воын Лыткин доброволечöн мунiс дорйыны Сöвет власть. Тышкасис белöйяскöд Войвывса да Польскöй фронтъяс вылын.

1922–öд воын В.И.Лыткин пырö велöдчыны Первöй Московскöй университетса филологическöй факультетö, роч кыв отделениеö. Велöдчан воясас гижис "Ичöт школалы коми грамматика", "Коми литературнöй кыв да орфография" книгаяс, коми письменность история кузя статьяяс. Университет помалöм бöрын Лыткин велодчис аспирантураын. Финно–угроведение пыдiджыка велöдöм могысь 1928–öд воын сiйö ветлiс научнöй командировкаö Финляндияö, Германияö, Венгрияö. Будапештскöй университетын финно–угорскöй филологиялысь курс экстернöн помалöмысь В.И.Лыткинлы сетiсны философия докторлысь диплом.

Уна вояс чöж В.И.Лыткин нуöдiс ыджыд научно–педагогическöй удж миян странаса вузъясын. 1943–öд воын "Древнепермскöй графика" тема кузя дорйис кандидатскöй диссертация. 1946–öд воын "Древнепермскöй кыв да пермскöй кывъяслöн историческöй грамматика" уджысь сылы сетiсны филология докторлысь учёнöй степень. Дас воысь унджык Лыткин веськöдлiс СССР–са наукаяс Академияын языкознание институтса финно–угорскöй кывъяс секторöн. Аслас научнöй уджъяснас сiйö кутiс нимавны уна странаын. Лыткин пуктiс научнöй подув коми грамматика да синтаксис, лексика да фонология велöдöмын, налысь историясö тöдмалöмын. Сiйö юрнуöдiс öткымын финно–угорскöй кывъяслысь словарьяс лöсьöдöмöн да редактируйтöмöн. Лыткин водзмöстчöмöн лои котыртöма куим юкöна "Основы финно–угорского языкознания" йöзöдöм. Сылöн нимкöд йитчöма финно–угроведъяслысь международнöй конгрессъяс нуöдöм. Квайтöд международнöй конгресс 1985–öд воын шуöма нуöдны Сыктывкарын – профессор Лыткинлöн чужан муын. Финскöй учёнöй Эркки Итконен гижлiс: "Матысса да ылысса коллегаяс пыдди пуктöны В.И.Лыткинöс кыдз дона ёртöс, народъясöс öта–мöд дорас став сьöлöмнас матыстны зiльысьöс, объективнöй да ыджыд мывкыда исследовательöс, гуманнöй мыслительöс, кодi уна буртор вöчис коми йöзлы да паськыда нимöдiс найöс".

Коми да коми–пермяцкöй литераторъяс. Москва, 1928–öд вося октябрь. Пукалöны (шуйгавывсянь веськыдвылö): В.И.Лыткин (Илля Вась), Н.А.Шахов (Сандрик Микол), А.Н.Чеусова, А.П.Зубов (Питю Öньö). Сулалöны: И.И.Сажин (Ичöт Иван), Г.А.Нечаев, Ф.Г.Тараканов, В.Е.Удоратин, А.А.Маегов.   Коми и коми–пермяцкие литераторы. Москва, октябрь 1928 г. Сидят (слева направо): В.И.Лыткин (Илля Вась), Н.А.Шахов (Сандрик Микол), А.Н.Чеусова, А.П.Зубов. Стоят: И.И.Сажин (Ичöт Иван), Г.А.Нечаев, Ф.Г.Тараканов, В.Е.Удоратин, А.А.Маегов.

В.И.Лыткин пыр тöждысис рöднöй литература сöвмöм вöсна. 1928–öд воын сiйö вöлi делегатöн пролетарскöй писательяслöн Ставсоюзса съезд вылын Москваын, лыддьывлiс докладъяс КАПП–лöн (Коми пролетарскöй писательяслöн ассоциация) конференцияяс вылын, вöлi делегатöн Коми АССР–са писательяслöн съездъяс вылын. Воысь–во содiс и гижан сямыс. 1927–öд воын поэт йöзöдiс ассьыс медтöдчана гижöдъясысь öтиöс – поэма "Мунöны", кодi пырис коми литературалöн зарни кудйö. Поэмасö сиöма Великöй Октябрьлöн 10 во тырöмлы. Шöр идеяыс сылöн – юрнимас: коми пиян мунöны дорйыны социалистическöй чужан му. Гижöма поэмасö мича, сöстöм коми кывйöн. 1929–öд воын Илля Вась лэдзис "Кывбуръяс", 1932–öд воын – "Выль шыяс", 1959–öд воын – "Шондi петiгöн" кывбура книгаяс. Сiйö комиöдiс кывбуръяс А.Пушкинлысь, В.Маяковскийлысь, Д.Бедныйлысь, К.Чуковскийлысь, С.Маршаклысь, удмуртскöй поэтъяслысь – Кузебай Гердлысь да Ашальчи Окилысь, финскöй – Еркколысь, венгерскöй – Ш.Петёфилысь, немецкöй – Г.Гейнелысь.  В.Лыткин – юмор да сатира мастер. Прозаöн гижöм сылöн "Серамбана висьтъяс" книгаыс (1966) петкöдлö и серамтö и тшöтш чужтö ыджыд мöвпъяс. Уна радлун сiйö вайис и посни челядьлы: "Пипилысты Сокол", "Пера–багатыр", "Тöрöкан", "Дзизгысь–дзазгысь гут" да мукöд книгаяс нимкодьпырысь лыддьöны коми челядь.

Ыджыд пай В.И.Лыткин пуктiс литературоведениеö, торйöн нин куратоведениеö. Наука да литература сöвмöдан ыджыд уджысь В.И.Лыткинöс наградитiсны "Дружöа народов" орденöн. Кувсис ыджыд мывкыда ученöй да поэт 1981–од вося август 27–öд лунö. Нимыс сылöн нэмъяс чöж кутас овны йöз паметьын.