Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Михаил Лебедев, народный поэт и писатель


Лебедев, Михаил Николаевич (22.10.1877 - 5.03.1951) родился в с. Межадор Усть-Сысольского уезда (ныне Сысольский район Республики Коми). Учился в Усть-Сысольском уездном училище, работал помощником волостного писаря в с. Корткерос, в с. Покча.

После установления советской власти работал секретарем корткеросского комитета бедноты и секретарем народного суда в с. Корткерос. Большую часть жизни прожил в Корткеросе. Писать начал с тринадцати лет. Известен как поэт, прозаик, публицист, драматург, один из зачинателей коми советской литературы. Первые произведения - повести "За богом молитва, за царем служба не пропадут" (1898), "Последние дни Перми Великой" (1907), "Таня Осинина" (1909), "Среди медведей" (1914), "В волостном омуте" (1915) написаны на русском языке. C 1913 года начал создавать стихотворения на коми языке.

В поэмах-сказках "Корт Айка" (Железный старец, 1928), "Яг морт" (Лесной человек, 1928) на основе легенд и преданий воссоздал жизнь коми народа в далеком прошлом. В баснях клеймил пьяниц, лодырей и бюрократов. Михаил Лебедев известен и как детский поэт. Он создал новый жанр в коми литературе - оперетки. Его оперетки "Мича ныв" (Красивая девушка, 1919), "Тун" (Колдун, 1920), "Настук" (Настя, 1928) ставились на сцене.

В 1939 М.Н.Лебедев за литературный труд первым из коми писателей был награжден правительственной наградой - орденом "Знак Почета".  Похоронен в с. Корткерос.

Лебедев, Михаил Николаевич (22.10.1877 - 5.03.1951) чужис Вӧлӧгда губерниялӧн Усть-Сысольск уездса Межадор сиктын (ӧні Коми Республикаса Сыктыв район). Велӧдчис Усть-Сысольскса уезднӧй училищеын, уджаліс Кӧрткерӧсын да Покчаын писарлы отсасьысьӧн. Сӧвет власьт пуксьӧм бӧрын волі секретарӧн Кӧрткерӧсса гӧльяслӧн комитетын да судын. Унджык кадсӧ оліс Кӧрткерӧсын.

Михаил Лебедев - выль коми литератураын подув пуктысьяс пиысь ӧти. Гижны босьтчис дас куим арӧсӧн. Тӧдса кыдз поэт, прозаик да драматург. Медводдза повесьтьяссӧ "За богом молитва, за царем служба не пропадут", "Последние дни Перми Великой", "Таня Осинина", "Среди медведей" гижліс роч кыв вылын. 1917-ӧд вося октябрь революцияӧдз на кутіс лӧсьӧдавны кывбуръяс комиӧн. Бура тӧдіc коми йӧзкостса висьтъяс. Та подув вылын коми йӧзлӧн важ олӧм йылысь лӧсьӧдіс поэма-мойдъяс "Кӧрт Айка" да "Яг морт". Басняясас серавліс юысьясӧс да дышъясӧс. М. Лебедев гижліс и челядьлы. Сійӧ лӧсьӧдіc коми литератураын выль жанр - оперетка. Гижысьлысь "Мича ныв", "Тун" да "Настук" опереткаяссӧ сувтӧдліcны сцена вылын.

1939-ӧд воын литератураын ыджыд уджысь М. Н. Лебедевлы вӧлі сетӧма "Знак Почета" орден.  Дзебӧма Кӧрткерӧсын.

Фотоальбом, Библиография. Личная карточка (анкета) члена Союза писателей СССР. Газетный некролог 1951 года.
Произведения Михаила Лебедева: Поэма ПОВТӦМ ЗОН,  Басняяс. МИЧА НЫВ оперетка. Мойдкывъяс: ЗАРНИ ЧУКӦР, ЯГ МОРТ, КӦРТ АЙКА, ЮРКА, КУИМ ЙӦЙ, УЗЬЫСЬ ВАНЬ. МИЧА НЫВ.
Кывбуръясысь Артмoм Сьыланкывъяс, Кывъясыс М.Лебедевлӧн, Музыкаыс народнoй (6).
"Дзор пӧрысь гозъялӧн раминик ныв" - забытая и восстановленная песня В.Савина на слова М.Лебедева.
"Лебедевские чтения"-ВИДЕО конференция и празднование 135-летия со дня рождения М.Лебедева, Корткерос, октябрь 2012.
См. ВИДЕО "Мича Ныв" оперетка М.Лебедева полная запись постановки Корткеросского народного театра.
статья: А.К.Микушев М.Н.Лебедев и устно-поэтическое творчество (1961). Скачать "Настук" ворсантор, 1930; zip, pdf, 11Mb.

 

КОМИ МУ      

Коми му кузя ме муна,
Гӧгӧр сулалӧ сьӧд вӧр.
Вӧрыс вывті-вывті уна,
Сыысь унаыс оз тӧр.

Аддза: сэні шыльыд пожӧм
Вылӧ лэптӧ ассьыс юр.
Сылы ӧткодь тӧв кӧть гожӧм.
Сэтшӧм пуыс тайӧ бур.

См. по тексту песни и ноты

ОЗЫР МОРТ, КУПЕЧ МОРТ

Озыр морт, купеч морт,
Деньга аслыд тэ чӧж.
Ме кӧть гӧлиник ныв,
Веськыд туйысь ог кеж!

Мыйла ме бӧрся тэ
Ветлан руч моз быд лун?
Мыйла гӧлиник ныв
Тэнад некор оз вун?

Мыйла ысталан тэ
Меным быдсяматор?
Дона козинъяс ме
Эг на тэ ордысь кор!

Тэнад деньга зеп тыр,
Менам абу и грӧш.
Век жӧ сы понда ме
Ассьым думӧс ог веж!

Мый тэ корсян — оз ло,
Шуа ме чорыд кыв.
Дона козин оз босьт
Тэнсьыд гӧлиник ныв!

Уна ньӧбавлін тэ,
Купеч морт, сьӧла-ур,—
Ньӧбны нывлысь бур ним
Тэныд некор оз сюр!

Мед тэ озыр, ме — гӧль?
Ассьым тӧда ме дон,
Вешйы мун, озыр морт,
Менам эм муса зон!

МИЧА НЫВ      

Гажтӧм лои мича нывлы.
Синва кутіс петны:
Верӧc сайӧ пӧрысь сайӧ
Бать-мам кӧсйӧ сетны.

"Ог мун, ог мун пӧрысь сайӧ,
Пӧрысь кӧдзыд вира.
Пӧрысь сайӧ петӧм дорысь
Бурджык ваӧ пыра!"

Сьӧлӧм висьӧ мича нывлӧн,
Сьӧлӧм кӧcйӧ потны.
Пӧрысь жӧникъяссӧ биӧн
Дзик пӧ колӧ сотны!

"Коні менам муса зонмӧй?"
Сійӧ туйӧ муніс.
Гашкӧ, ылын, гашкӧ, матын
Сылӧн воан луныс.

Шог оз бырлы мича нывлӧн,
Бӧрдігтырйи олӧ.
Бать-мам кутіс сылы шуны:
"Чунькытшасьны колӧ".

"Ог мун, ог мун пӧрысь сайӧ,
Пӧрысь — паськыд тоша.
Паськыд тош пиас ме, коньӧр,
Яг пиын моз воша!

Мыйла, мыйла, муса зонмӧй,
Эновтін тэ менӧ?
Гашкӧ, локтан, бӧръя лунӧдз
Виччыся ме тэнӧ!"

Пӧрысь жӧник паськыд тоша
Чунькытшасьны воис,
Орччӧн пуксис мича нывкӧд,
Зіля юис, сёйис.

Пӧрысь мортлӧн пиньяс абу,
Вомсьыс дулльыс петӧ.
"Муса батьӧй, муса мамӧй,
Сы сайӧ эн сетӧ!"

Бать оз кывзы, мам оз кывзы.
Нывлӧн синва киссьӧ,
Гӧгӧр видзӧдны оз вермы,
Синваӧн и мыссьӧ.

Венеч улӧ кутіс мунны.
Вичко йӧзӧн тыри.
Паськыд тоша жӧник воис.
Нывлӧн садьыс быри.

"Ог мун, ог мун пӧрысь сайӧ.
Енлысь милӧсть кора!"
Сійӧ шуӧм бӧрын кыліс
Кӧлӧкӧльчик гора.

Кодкӧ тройка вӧлӧн локтіс,
Вичко ӧдзӧс восьтіс:
"Коді менсьым муса нылӧс
Верӧс сайӧ босьтіс?"

"Эз на, эз на, муса зонмӧй,
Поп венечсӧ пукты!"
Сэки зонмыс поплы шуис:
"Венчайтӧмысь дугды!

Паськыд тошлы мича нывкӧд
Абу лӧсьыд овны.
Пӧрысь мужикысь том ичмонь
Ёна кутас повны.

Недыр кежлӧ, старик мортӧй,
Том ныв тэныд шедліс!"
Сэсся шошаӧдыс босьтіс,
Вичко шӧрысь вӧтліс.

Паськыд тоша, пиньтӧм вома
Гӧтрасьӧмысь дугдіс.
Мича нылӧс мича зонкӧд
Поп венчайтны кутіс.

Гажа лои мича нывлы,
Синва дугдіс петны:
Верӧс сайӧ пӧрысь сайӧ
Эз вермыны сетны!
1914 во.

ЫТШКАНДЫР    

Локтіс гожӧм, шоныд гожӧм.
Войяс дженьыд, лунъяс кузь.
Пемыд некор оз и овлы,
Пемыд му вылӧ оз усь.

Лунъяс мунӧ, лунъяс колъӧ,
Вот и страдна — ытшкандыр.
Кодлы мича турун колӧ,
Ытшкӧ, куртӧ пырысь-пыр.

Шӧнді петӧ, шӧнді лэччо.
Видзьяс вылын гыӧ йӧз.
Быдсӧн турун аслыс вӧчӧ,
Тшыг оз кувны вӧв ни мӧс.

Коса ытшкӧ, куран куртӧ...
Кымын зорӧд? Куим, нёль...
Коми йӧзлӧн сьӧлӧм бурмӧ,
Некод кӧрымтӧг оз коль!

Эштіс турун, вундан воис.
Оз позь шуны уджлы: шань!
Вӧла-мӧслы кӧрым лоис,
Ковмас войтырлы и нянь.

Лоас тӧв кежлӧ быдсӧнлӧн
Озырлун да шоныд горт.
Тільсьы, уджав кыдзи верман,
Кыдзи кужан, коми морт!

фото 1920-х

ЫДЖЫД ЧЕРИ
ДА ИЧӦТ ЧЕРИ

Югыд визув ваын
Еджыд Кельчи оліс,
Лыа дорті ветліс,
Шӧрӧ петны поліс.

"Ме пӧ, ичӧт чери,
Кыдзи сэтчӧ муна?
Ветлӧны пӧ сэні
Ыджыд чери уна".

Важысянь нин Кельчи
Ассьыс донсӧ тӧдіс.
Сэтшӧм сылы мывкыд
Чужигас ен сетіс.

Ӧтчыд сійӧс аддзис
Лыа дорысь Ёді,
Бӧжӧн люг-легкерис,
Юаліс: "Тэ коді?"

Шуис сылы Кельчи:
"Ме пӧ олысь татчӧс.
Кытчӧ пӧ тэ ачыд
Мӧдӧдчин ва катчӧс?"

Юрсӧ лэптіс Ёді:
"Ме пӧ вывлань кая.
Саридзысь бур юӧр
Черияслы вая.

Ичӧтъяслы петіс
Ыджыдлы моз вӧля —
Кывзӧй, кодлы колӧ,
Кывзӧй, коді пеля!"

Чуймис ичӧт чери,
Сулалӧ да шензьӧ,
Ёді кывъяс йылысь
Гуринакӧд вензьӧ.
Гурина оз верит:

"Пӧръялӧны",— кайтӧ.
Кельчи сылы горзӧ:
"Правда пӧ, ме чайта!"

Гурина шпыньмуні,
Лӧпъяс улӧ пырис:
"Дугды пӧ, йӧй Кельчи,
Мывкыд тэнад бырис!"

Кельчи сылысь кывсӧ
Пыдди эз и пукты,
Сьӧлыштіс да шуис:
"Ачыд пӧ тэ дугды!

Тайӧ юӧр бӧрын
Веськыда ме ловзи.
Ва шӧрын ме ӧні
Некодысь ог повзьы!"

Шӧрӧ петіс Кельчи,
Бергалӧ да ворсӧ,
Вывлань-увлань ветлӧ,
Дзоля вомнас горзӧ:

"Ме пӧ, ичӧт чери,
Ыджыд ногӧн ола,
Гырысьясысь ӧні
Омӧля ме пола!"

Недыр еджыд Кельчи
Ветлӧдіс сідз збоя.
Сы дінӧ Сир локтіс:
"Ме пӧ тэнӧ сёя!"

Кельчи синъяс восьтіс:
"Дугды,— шуӧ,— дурны.
"Вӧля петӧм бӧрын
Оз позь менӧ пурны!"

"Вӧля петӧм йылысь,—
Кайтӧ Сир,— ме тӧда.
Сы понда ме тэныд
Войдӧр вӧля сета.

Курччы менӧ ачыд,
Сёй кыдз кужан менӧ.
Он кӧ вермы сёйны,
Ньылышта ме тэнӧ!"

Заводитіс Кельчи
Сёйны ыджыд Сирӧс.
Сӧмын эз и сибав
Сэтчӧ сылӧн нырыс.

"Вынӧй менам абу,—
Шуӧ,— ог пӧ вермы".
Чарзыны Сир кутіс:
"Ӧні ме и скӧрми!"

Восьтіс паськыд вомсӧ,
Пиньнас вуз-вазкерис:
Дзоньнас еджыд Кельчи
Горшас сылы тӧрис.

Тадзи еджыд Кельчи
Сиркӧд спорӧ воліс,
Тадзи сійӧ ваын
Ыджыд ногӧн оліс.
1913 во.

ГАЖА ТУЛЫС ВОИС

Гажа тулыс воис.
Гӧгӧр жургӧ шор.
Шонді лымсӧ сёйис,
Ловзис пулӧн кор.

Ю кузя йи кывтӧ —
Тувсов ва оз узь.
Югыд енэж вывті
Лэбзьӧ дзодзӧг, юсь.

Гожӧм абу ылын.
Эжа лои веж.
Челядь вадор вылын
Ворсӧны лун чӧж.

Вадорын бур нывъяс
Сьылӧны быд вой;
Мусукъяслӧн кывъяс
Лоӧны зэв збой...

Кодлы колӧ кӧдзны —
Лӧсьӧдӧны гор.
Весьшӧрӧ оз жӧдзны,
Виччысьӧны зэр.

Пӧрысь пӧль мый керӧ?
Сирӧн мавтӧ пыж.
Шонді улын вӧрӧ,
Копыртӧма мыш.

Тулыс мортлы шуис:
"Гажӧдчы, бур вок!"
Ылӧ-ылӧ нуис
Сійӧ йӧзлысь шог.

Подробнее про Молодцовский алфавит Коми языка.

 

Из газеты "Коми комсомолец" 26 октября 1940
ко дню рождения Михаила Лебедева

 

Mihail Lebedev

В 1940 школьники из Визинги поставили музыкальный спектакль "Тун" по поэтической сказке Михаила Лебедева, подробнее "Сказка перед войной".


Слева направо: грузинский поэт Васо Горгадзе, Михаил Лебедев, Сергей Михалков. Празднование 100-летнего юбилея Ивана Куратова в Сыктывкаре, фото из газеты "За новый Север" 27 октября, 1940.

*   *   *

Михаил Лебедев — вузасьысь


Мемориальная вывеска Михаилу Лебедеву.
Улица М.Лебедева, с. Корткерос, октябрь 2012.

Нималана коми гижысь Михаил Лебедев чужлӧма Межадорын, но семьяыслы тшӧкыда ковмылӧма вуджны сиктысь сиктӧ: батьыс пыр вензьылӧма начальствокӧд. 1894 воын Лебедевъяс воӧмаӧсь Чердін уездӧ. Кык во мысти Михаил Николаевич ачыс босьтчӧма уджӧ, отсасьӧма вӧлӧсьтса писарлы.

*   *   *

1899 вося декабрын Николай Павлович аддзӧма удж Мордінысь, и Лебедевъяс бергӧдчӧмаӧсь Кӧрткерӧсӧ. А Михаил Николаевич регыд веськапӧма полиция син улӧ, земскӧй пошта пыр суйӧр сайысь правительстволы паныд гижӧда "Листки свободного слова" небӧг воӧма да. Та бӧрын гижан уджсьыс сійӧс вештӧмаӧсь.

Гӧтырыскӧд, Елизавета Ивановнакӧд, Михаил Николаевич кайӧма Нёбдінӧ, медасьӧма уджавны казеннӧй вина лавкаӧ. Сэтчӧ жӧ кӧсйӧма инасьны и Елизавета Ивановна. Та могысь шыӧдчӧма Вӧлӧгда губернияса акциз управлениеӧ. 1902 вося сентябрь 18 лунӧ Усть-Сысольск уездса акциз управлениеӧ воӧма вочакыв, мый Елизавета Лебедевалысь август 28 лунся шыӧдчӧмсӧ могмӧдӧма да аньӧс индӧма вузасьны 262 номера казеннӧй вина лавкаӧ. Удждонсӧ урчитӧма 360 шайтӧн во.

Елизавета Ивановнаӧс пыр жӧ корӧмаӧсь Усть-Сысольскӧ. Акциз управлениеын сійӧ кӧсйысьӧма закон торкавтӧг вузасьны да мынтӧма 100 шайт залог. Акциз кузя надзирательлы отсасьысь Николай Прилежаев сетӧма нывбабалы вузасьны лэдзан кабапа-свидетельство, кӧні висьтавсьӧ, мый Елизавета Лебедевалы позьӧ вузасьны винаӧн Нёбдінса лавкаын, прӧстмӧм дозмуксӧ колӧ лэччӧдны Усть-Сысольскса вина лавкаӧ.

Кабалаас тшӧтш индӧма карса, уездса да сиктса полициялы отсавны аньлы вина нуиг-вайигӧн.

Но Лебедевьяслӧн абу ставыс шыльыда мунӧма. 1909 вося декабрын Усть-Сысольскса акциз управлениеӧ кывсьӧма, Елизавета Лебедева пӧ вывті варов, вузасигас ставныскӧд больгӧ-сёрнитӧ. Николай Прилежаев ӧлӧдӧма Елизавета Ивановнаӧс верӧс пырыс. Вина лавканас веськӧдлысь Михаил Лебедев сёрӧнджык юӧртӧма карӧ: "Пыдди пуктана Николай Романович! Юӧрта Тіянлы, мый вайӧді Тіянлысь ӧлӧдӧмтӧ 262 номера вина лавкаын вузасьысьӧдз, тшӧкті, мед Е.И.Лебедева вузасигас эз больгы ньӧбасьысьяскӧд. Вежавидзӧмӧн — М.Лебедев. 1909 вося декабрь 11 лун. Нёбдін сикт".

Лебедев гозья вузасьӧмаӧсь лавкаас 1914 вося сёр арӧдз. Сэки, война кадӧ, вӧлі йӧзӧдӧма сідз шусяна "кос" закон, да винаӧн вузасянінъяс лои пӧдлалӧма. И 1915 вӧӧ Михаил Николаевич да Елизавета Ивановна бӧр бергӧдчӧмаӧсь Кӧрткерӧсӧ.

Александр ПАНЮКОВ, "Коми Му" республикаса войтырлӧн газет, 2002.

Реклама Google: