Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Кушманов Василий Егорович (1929—1995) - главный редактор газет и журналов

статья газеты Коми Му, кликните для увеличения

КУШМАНОВ, Василий Егорович (Егор Вась) родился 16 марта 1929 года в селе Вотча Сысольского района Коми автономной области. Учился в школе родного села, закончил Сыктывкарское медучилище, затем Высшую партийную школу в Ленинграде.

Трудовой путь Василия Кушманова начался в районной газете Сысольского района села Визинга, откуда он был призван в армию. После демобилизации работал заместителем редактора сысольской районной газеты.

Был также редактором газеты "Югыд туй", главным редактором Коми книжного издательства, одиннадцать лет редактировал газету "Красное знамя" и несколько лет - сатирический журнал "Чушканзі" (Оса).

В 90-е годы под его редакцией вышли сборники юмора и сатиры "Энӧй дурӧ, олӧй бура" (Не дурите, хорошо живите, 1990), "Йӧзкост шмонь" (Народные усмешки, 1991), "Ковтӧм петасъяс" (Сорняки, 1993), в которых помещены и его собственные юмористические рассказы и басни.

Заслуженный работник культуры РСФСР, отмечен орденами и медалями. Умер В.Е.Кушманов 18 марта 1995 года.

*   *   *

В Центре Коми культуры Сыктывкара в марте 2014 состоялась Литературная гостиная: Вечер памяти писателя-сатирика, журналиста Кушманова Василия Егоровича. На вечере добрыми словами его вспомнили родные, друзья, коллеги по работе и земляки. Читали полюбившиеся произведения писателя-сатирика - юмористические рассказы и басни.

На вечере присутствовали члены его семьи: жена Маргарита Васильевна, племянник Владимир. Егор Вась остался в памяти как добрый, мудрый, трудолюбивый, умеющий ценить дружбу человек.

На фотографии слева направо: Александр Ульянов, Людмила Огнёва, В.Кушманов (племянник), Александр Майбуров (гость вечера)

КОМИ МУ газет, 1999, 16 марта.

Нуӧдіс миянӧс водзӧ

Коми печатьын уджалісны уна сэтшӧм йӧз, кодьяс ассьыныс нимнысӧ нэм кежлӧ колисны печать историяас. На лыдысь ӧти — Василий Кушманов. Бурторъяс вӧчӧм вылӧ, ӧта-мӧднысӧ пикӧ веськавлігӧн мездӧм-дорйӧм могысь сӧмын неважӧн на ӧтувтчисны республикаса олӧма журналистъяс. Медводдза бурторъяс лыдас лоӧ, тыдалӧ, сійӧ, мый газет-журнал вӧчысь ветеранъяс дасьтасны да лэдзасны тайӧ уджас найӧс велӧдысьяс, а сідзжӧ ёртъяс йывсьыныс книга. Чайта, сэні лоӧ и В.Е.Кушманов йылысь висьт.

Василий Егорович чужлӧма Сыктывдін уездса Волся сиктын 1929 вося рака-март 16 лунӧ крестьянин семьяын. Помавлӧма Сыктывкарса фельдшерско-акушерскӧй школа, сэсся куим вося партийнӧй школа, бӧрынджык — нӧшта КПСС ЦК бердын заочнӧй высшӧй партшкола.

Армиясьыс локтас да, некымын удж видлӧм бӧрын, 1953 воӧ сьӧлӧмыс кыскӧ газет редакцияӧ. Тасянь 38 во кежлӧ В.Кушмановлы коми печать лоӧ олӧмас шӧр туйвизьӧн. Ог вермы гаравны унаӧнӧс, кодъяс эськӧ та дыра жӧ уджалісны редакцияясын. Мӧд шензьӧданатор да стӧч нин рекорд - Василий Егорович вӧлі главнӧй редакторӧн 27 во чӧж! Том зонмӧн на сійӧс босьтӧны "Вӧрлэдзысьӧ" (бӧрынджык "Коми колхозник"). Кор шуасны Сыктыв районыц выльысь восьтыны газет да сэтчӧ ковмасны тшӧтш и бокысь вайӧдӧм, опыта нин уджалысьяс, Сыктывкарысь кыпаласны кык том морт — Вася Кушманов да Володя Огнев (мӧд ногыс асьнысӧ вӧлі оз и шуны дай мукӧдлы оз лэдзны!), ӧтиыс редакторӧс вежысь, мӧдыс секретарь. Сэні жӧ уджалігас Василий Егорович кыдзкӧ вӧлі петӧма "производство вылӧ" и сэтысь аддзис менӧ, сӧмын на шӧр школа помалысьӧс, да веськыда крукасьӧмӧн крукасис: коді, кытысь, мыйла? Тӧлысь-мӧд мысти ме уджалі нин райгазет редакцияас. Сэсся водзӧ менам лои институт, армия — торъявлім. Но ас карӧ локтӧм бӧрын, ӧта-мӧднымӧс корсьтӧг, мӧд лунас и паныд веськалім. Ме кӧсъя вӧлі мунны мӧд удж вылӧ, кутшӧмкӧ войвыв сиктса школаӧ. А сійӧ бара сідз: некытчӧ он мун, лок ӧні жӧ пырам редакцияӧ дай ставыс. Позьӧ шуны, вынӧн кыскис. Сы ног и лои.

Сэки В.Е.Кушманов веськӧдліс нин "Югыд туй" газетӧн. Ог шу, мый ёна велӧдіс менӧ гижны, кывьяс бӧрйыны-тэчны. Тайӧс ас вылас босьтісны мӧдъяс. А вот мӧвпавны, лоӧмторъяссӧ колана ногӧн донъявны да сяммыны неуна кӧть водзӧ на аддзыны, выльӧн чужӧм темаяс казявны — да, таӧ ёна велӧдіс! Эз дышӧдчы, быдса часъясӧн эз жалит ассьыс кадсӧ меным тӧлкуйтны то ӧтитор, то мӧдтор. Ог шу, мый ме тӧдлі ёна уна редакторӧс, но Василий Егорович кодьӧс - эг. Сяммӧ вӧлі кыдзкӧ не казявны редакцияса уджалысьяс костын тшӧкмдакодь пансьывлысь посни зык-шумсӧ да налысь посни грекъяссӧ, а на вомӧн восьалӧмӧн ставнымӧс нуӧдны водзӧ, сяммӧ ышӧдны сэтшӧмторъяс вылӧ, кодъяс миянлы, чайтам вӧлі, абу и вын серти. И тайӧ сямыс тӧдчис да отсаліс дыр "главнӧявны" водзӧ "Красное знамя" газетын (1971—1980 вояс), книжнӧй издательствоын да быдса кӧкъямыс во на медбӧръя удж вылас — "Чушканзіын".

Ставыс тайӧ кокниа эз сетчы, быдтор кытчӧкӧ пуксис и коркӧ мӧдіс кывны. Кутшӧм сійӧ ыджыд газетса редакторлӧн доддьыс, тӧдӧ тайӧ додь вож костас дыр кежлӧ сувтӧдлӧм морт. Дерт, Василий Кушмановӧс пасйылісны и орден-медальӧн, и сетлісны РСФСР-са культураын заслуженнӧй уджалысь ним, и кыкысь бӧрйылісны республикаса Верховнӧй Сӧветӧ... Да ставыс тайӧ мӧй вештӧ сійӧс, мый пуктӧма-сетӧма! Содтӧд нин зэв чорыд, вывті чорыд партийнӧй киын кутана газетад...

Вӧвлӧм редактор бӧръя кадсӧ чорыда висис да муртса вевъяліс тыртны 66 ар. Василий Егорович зэв сьӧкыда, ымзӧмӧн-пессьӧмӧн куліс больничаын нёль во сайын, 1995 вося рака 18 лунӧ. Томӧн, ёнӧн, висьӧмыслы кыдз сӧмын вермис водзсасьӧмӧн муніс. Талун менам да уна мукӧд даслӧн велӧдысьлы да ыджыд ёртлы тырис эськӧ сизимдас.

Г.БЕЛЯЕВ. На фотографии - журналисты районной газеты. В центре в очках - В.Е.Кушманов, крайний справа - Владимир Огнёв.

КОМИ МУ газет, #58, 2008, 15 апреля.

МИЯН ЕГОР ВАСЬ

Василий Егорович Кушмановкӧд ми нач эг вӧлӧй на тӧдсаӧсь. Ме сійӧс нэмӧн эг аддзыв, сійӧ мено — тшӧтш. Но вот ӧтилаӧ воськалім, и менӧ тӧдіс. Сійӧ — мено. Овлӧ сідэ? Вермас лоны, вӧлӧмкӧ...

Дас класс помалі да водзӧ велӧдчыны некытчӧ эг веськав. Сідзи тай артмис. Школа бӧрад вӧлі сэки тшӧктӧны кык во уджавны. Вот ме и пыри рабочӧйӧн Сыктывса райлромкомбинатӧ - сэки, 1957 воас, буракӧ. сідз шусис. Водзӧ, чайта, тыдавны кутас. Босьтісны пилорамаӧн пилитчысь бригадаӧ. Брус лэдзӧны, кыз плака (тьӧс), вӧсни дӧска.

ӧтчыд локтіс миян дінӧ... ог и тӧд кыдзи шуны. Абу ми вок радысь: мича сӧстӧм паськӧма, шляпаа да ӧчкиа. Пӧрнӧй арлыда. Видзӧдӧ, кыдзи пилорамаыд дзажгӧ. То Карл Кондратьевич - бригадирлысь (немеч) юасьыштас мыйкӧ, то мӧд морт дінӧ матыстчылас. А казялі, мыйлакӧ мелань видзӧдлассӧ тшӧкыда чӧвтлӧ. И матыстчис. Юалӧ:

— Кывзы, тэ абу Беляев? — да, шуи.

Но, гӧгӧрвоана. А то ме видзӧда...

Тадзи ми тӧдмасим Василий Кушмановкӧд. Воккӧд кӧнкӧ да коркӧ дружитчылӧмаӧсь, вӧлӧмкӧ.

Сэсся водзӧ удж йылысь ли мый ли некутшӧм думтӧг ӧтчыд босьті киӧ перӧ. Эг тӧд, ыштӧ зэв дыр кежлӧ! А сідз артмис - нэм кежлӧ.

Сэки, медводдзаысьтӧ, перӧ дінас босьтчыньі олӧмыс тшӧктіс. Стӧчджыка — спорт.

...Бара ордйысим. Автобусӧн мунам карсянь Визинӧ, районса начальствоӧс бон-бус лёкысь пинялам. Кодкӧ шуис, вайӧ пӧ газетӧ гижам! А кыдзи да коді нӧ гижас! Ызгыштім туй чӧжыс дай разӧдчим. ӧти олӧ-уджалӧ Волсяын, мӧд Кунибын, ми кыкӧн, катыдчи (Горьковскӧйысь), мукӧдыс Визин гӧгӧрса греэдьясысь. Непӧштӧ гижны — тренировка вылӧ видлы чукӧртны командатӧ.

ӧтиӧс оз лэдзны удж вывсьыс, мӧдӧс. Но и ме ныри-гижи ӧтнам, мичаджыка мӧд пӧв шыльӧді да конвертӧн пошта кудйӧ шыбиті. Виччыся. ӧтчыд локті удж вылысь, а мам шуӧ, тэнӧ пӧ тшӧктӧмаӧсь редакцияӧ звӧнитлыны. Мый нӧ звӧнита, пӧшти орччӧн ӧд уджала! Пыри.

Примитіс Владимир ӧгнёв. Кушманов кӧнкӧ эз вӧв, бӧрынджык локтіс. Огнёвыд ответственнӧй секретарь пӧ, чӧла лыддис менсьым лыжнӧй хождение-похождениетӧ, зывӧк-пырысь лист пельӧстіыс босьтіс (сэтшӧм мода сылӧн вӧлі) да сэні жӧ пукалысь (вӧлӧма редакторныс И.Е.Юрков) олӧма мортлы шуӧ:

— Иван Егорович, видз (видзӧд — Г.Б.), этша и шыльӧдышті. Ничего зонмыс гижӧ. Видзӧдлан?

Кысь мем тӧдны, мый Кушманов да Огнёв таӧдз лыддьылӧмаӧсь нин менсьым опустӧ да ӧні дзебсясьӧмӧн ворсӧдчӧны. Кыдзи пӧ вӧчны, мед редактор на дор лои да Г.Беляевӧс удж вылӧ босьтны шуис.

Мудерӧсь вӧлӧмны. Регыд мысти ме редакцияас нин пукалі. Ученик туйӧ ли мый ли. Велӧдча муртса ог школаын моз жӧ. Сӧмын школа сертиыд мӧдарӧ артмӧ: велӧдчысьыс ӧти—велӧдысьыс некымын.

Мый вермис ёна зілис Владимир Огнёв. Менам опусъяс вылын перӧнас эз этша дзурт. Но секретартӧ оз весьшӧрӧ шуны штабса начальникӧн. Сы вылӧ нокыс уна усьӧ, прӧст здукыд шочджыка сюрлӧ.

Вася Кушмановыд велӧдіс менӧ мӧд ног. И тайӧ сетіс меным коланасӧ эз этшаджык. Сійӧ вӧлі велӧдӧ оз сэтшӧма перӧнас, кутшӧма кывнас.

Нинӧм на кужтӧм да этша мый тодысь зонмыдлы тайӧ, кыдзи ме

Ммшш

Егор Вась арлыдаӧнджык гӧгӧрвои, ёна колӧ.

Миян сёрнияс кузя нюжавлісны тшӧтш и сы понда, мый Василий вӧлі гӧтыртӧм на, сёрӧн гӧтрасис.

ӧтка уткаяс—ми пырджык вӧлім ас кежысь, и некод миянӧс эз торкав, эз мешайт.

Кор ковмис, миян дінӧ ӧтувтчыліс и Володя Огнёв. Куимӧныдлӧн сёрниыд, гӧгӧрвоана, вежсьӧ нин, но нырвизьыс пӧшти пыр кольліс ӧти. Кыкнанныс кӧсйӧны ӧддзӧдны да кокньӧдны журналистикаӧ пыран туйӧс менсьым.

Куимӧныдлӧн, шуа тай, сёрни-басниыд и ӧтарӧ-мӧдарӧ кежавлӧ.

Сюсь ваыд пызан вылад лыблас жӧ вӧлі. Но кыдзкӧ сідз, бура миян пӧраӧ артмыліс, ёна ютӧг. Тӧд вылӧ кольӧма татшӧмтор. Визинӧ вайӧмаӧсь миянлы тӧдтӧм-видлытӧм кутшӧмкӧ албанскӧй ром! Сулеяясыс гырысьӧсь, быдса литрӧн.

Видлытӧм кӧ — вайӧ сыкӧд тӧдмасям! Босьтім куимӧн вылӧ ӧти доз. Василий видзӧдліс этикетка вывсьыс градуссӧ да бытгьӧ збыльысь повзьӧмӧн шуӧ:

-О-о, коддзам ӧд...

Миянӧс повзьӧдані Другӧн ми воктӧ он на босьт! Синмыд полӧ, киыд вӧчӧ. Но мӧд дозла эгӧ котравлӧй, мода эз вӧв. Мый збыль, сійӧ збыль — эг вывтіасьлӧй. Дай некор вывтісӧ — кодавтӧдз! — Василий Егорович эз ю. Кодкӧ паныда кӧ шуас, эн эскӧй. Сідзтӧ шуысьыс кӧ эм, сійӧ Егор Вась вылӧ кутшӧмкӧ лӧг кутысь. Йӧз син водзас сійӧс уськӧдны кӧсйысь, "водзӧс. мынтысь. Но юлывліс сылы, аслас гырклы лӧсявтӧм сортьяссӧ,

— тадз позьӧ шуны, гашкӧ...

И бара на ассьым содта: эз таысь кусыньтчы Василий Егорович.

Сійӧ вӧлі гӧгӧр зэв ёнӧн. Тӧді мортсӧ сы мында во!

Казялінныд, чайта, ыджыд ёртьясӧс нимта тшӧтшьяясӧс моз. Вася, Володя... Сыктывса редакцияын сідз вӧлі, мӧд ногыс шыасьны прӧстӧ эз позь, эз вӧлі лэдзны.

Дерт, арлыднас кӧ бать туйӧ лӧсялӧ мортыс, сійӧ мӧд делӧ, быть ним-вичнас ыдждӧдлан.

Миянӧ вель дыр кежлӧ воліс уджавны Ыбысь В.Безносиков, сэки нин кывсьысь прозаик. Владимир Иванович пӧ. Меным выль, арлыда да бокысь воӧм морт—нимвичнас и ыдждӧдла. Мыйкӧ дыра мысти орӧдіс менӧ:

-Дугды, Геня! Прӧстӧ Володь дай ставыс. Ивук Володь ме.

...Кык вотӧ менам уджалӧма лои. Коми пединститутын студентала. В.Е.Кушманов сэки, буракӧ, ВПШ-ын велӧдчис жӧ да заочниклӧн могъясӧн и мукӧдтор кузя Визинсьыд карад тшӧкыда волывліс. Аддзӧдлас вӧлі, гӧститӧдас, юасяс, кутшӧмкӧ сӧвет сетыштас—ыджыд вок дай ставыс.

Сэсся сійӧс КПСС обкомӧ босьтӧмаӧсь, печать секторӧ.

Василий Егорович кужліс удж кузяыд стрӧга юавны. Менам казьтылӧм серти мед эн чайтӧй, мый пыр сӧмын юрси ньылыд малаліс.

Мыжман кӧ, сюрӧ вӧлі. Но кыдзкӧ сылӧн сідз артмывліс, мый сяммас и ёсьтӧдлыштігас шаньлунсӧ тэныд сетны, и лёк ног скӧралӧмсьыс кутчысьны.

Пикӧ воӧмаястӧ унаӧнӧс мездыліс, кор нач партийнӧй уджалысьӧн на вӧлі, и "Югыд туйӧн", и "Красное знамя. газетьясӧн веськӧдліс. Шуам ӧд "газетӧн", а редактор вылӧ видзӧдӧ ыджыд котыр.

Ог нин тӧд, кыдзи да мыйла, но коми журналистикаса ыджыд мастер, "пӧрысь кӧин" А.М.Калимовакӧд менам зэв восьса сёрни пансис. Ме и юалі Антонина Макаровналысь, мый ме йылысь думайтӧ, кыдзи доньялӧ Кушмановӧс. Вочавидзис тадэ кымын:

—Кужӧ коллективсӧ пыр коланалань нырӧн веськӧдны.

Да, сідз. Но эз куш коллективсӧ—тшӧтш и быд мортӧс торйӧн. Сылӧн вӧлі ёртъяс вӧснаыс ыджыд тӧжд.

И налы вылӧ эз жалит вын ни кад. Унаӧнӧс верма лыддьӧдлыны, кодлы ёна да кужӧмӧн отсаліс. Но ог. Ас серти бара жӧ мед, тайӧ медся стӧч лоӧ.

Егор Вась сэки обкомса печать секторнас на веськӧдліс. А ме КГПИ-ын велӧдча. Петі ӧтчыд институтысь да горув лэчча, юрӧс ӧшӧдӧма. Нимкодясьны нинӧмла, зептын тӧв шутьлялӧ. И друг—Василий Егорович воча! Кутіс юасьны, кыдэи да мый. Кыдзи студентлӧн, мися. Гӧгӧрвоис, дерт. Чӧв олыштіс.

—Ноко, лок Печать керкаас пыралам,—шуӧ.

Нуӧдіс книжнӧй издательствоӧ.

Сэки ме кодӧс издательствосасӧ тӧді? Редакторӧн вӧлі, радӧвӧйӧн, дерт, Выль Паш-Шеболкин, кодкӧд Сыктывса райгазетын уджавлім. Варов и шань эськӧ, кыпыд морт. Но инвалид нин, ёна висьӧдчис. Мыетшкӧ тӧді главнӧй редакторсӧ В.Морозовӧс. Василий Степанович Визинса, война вылын усьӧм менам Александр медыджыд воклӧн вӧлӧма школьнӧй ёртӧн. Та серти сійӧ менӧ тшӧтш вӧлі тӧдӧ, "младшӧй Беляев" ним сетліс.

Издательствоса директор С.С.Раевский мем выль морт. Сы дінӧ Василий Егорович и пыртіс.

—Степан Семёнович, тӧдан тайӧ эонсӧ? Пединститут помалас. Виэинад райгазетын ӧтлаын уджалім.

Юрыс эм. Тіянлы ӧд выль йӧзыд ковмасны жӧ: кодкӧ пӧрысьмӧ, кодкӧ мыйкӧ... Сетлы кутшӧмкӧ удж, видзӧдлан, кыдзи гижӧ. И нажӧвитыштас студент мортыс.

Тайӧ, "нажӧвитыштӧмыс", сэки меным медся-медся коліс. Аттьӧ Егор Васьлы! Гашкӧ, эз сэтшӧма сылӧн тшӧктӧм, мыйта менам жугыльчужӧм вӧсна издательствоса директор сетіс меным Н.Носовлысь "Приключения Толи Клюквина" книга. Лист-мӧд пӧ комиӧдлы, шуӧ, сэсся кодкӧ миян видзӧдлас. Ме аскинас и, буракӧ, вайи кык лист боктӧ. Сетӧмаӧсь доньявны буретш Выль Пашлы. Пыри сы ордӧ, сійӧ меным листъястӧ мыччис. Видзӧда, некутшӧм пас абу кольӧма Павел Андреевич. Абу лыддьӧма ли мый?! Но вылыс шуйга пельӧссьыс аддзи куш ӧти кыв—"Бур".

Нажӧвитыштны сетісны. Носовыслысь книгасӧ пӧ дзоньнас вуджӧд.

ВДіііір

'Чй,;

Аттьӧ, Василий Егорович! Аттьӧ, Степан Семёнович! (Апрель 21 лунӧ тырӧ сылӧн чужӧмсянь 90 во).

"Красное знамяас" В.Е.Кушманов главнӧйӧн на вӧлі. Но чужӧмас пемьід вуджӧръяс. Ышлолапӧ.

Нюм абу. Юася. Шуӧ, первойлы мыйӧнкӧ эг кут лӧсявны ("первой — КПСС обкомса первой секретарь).

Сьӧлӧм дінас вывті босьтӧ Егор Вась. Висьмис. Олан гажсӧ воштіс.

Сэк кості варягӧс вайӧдісны, а Василий Егоровичӧс, позьӧ шуны, нинӧмысь чӧвтісны. Тайӧ первойыслӧн жӧ "заслуга" вӧлі.

Пуксьӧдлісны на Егор Васьӧс книжнӧй издательствоса главнӧй редакторӧн, "Чушканзіӧ" главнӧйӧн... Но ставыс тайӧ эз серти, сылӧн вын да сям серти коліс унджык. Сійӧ вӧлі ӧтар кӧть мӧдар велалӧма сьӧкыд да визув удж дінӧ. А татшӧм уджтӧгыс вочасӧн кусіс. Куліс ёна да дырвисьӧмӧн.

В.Е.Кушманов тыртіс 66 арӧс. И кык лун мысти эз ло...

Коми газетас миян костын 1971 1979 воясӧ вӧлі А.В.Сажин. Сэсся во дас кежлӧ доддявлісны менӧ.

Миян сёрнитанторным — коми печать, Егор Вась Кушманов. Меным сы дінын дыр бергавны шуд усьлі. Тӧд вылӧ воас да, ӧні на морӧс кудйын шонавлӧ.

"Югыд туй" газетӧн Василий Егорович веськӧдліс 1965-1971 воясӧ, рочнас—таысь на дырджык.

Геннадий БЕЛЯЕВ, 1979-1989 воясӧ "Югыд туйса" редактор.

Снимок йывсьыс. 1965 вося ноябрь. Визин сикт. В.Кушманов да Н.Митюнин. Сёр кад вылӧ видзӧдтӧг (часіыс петкӧдлӧ 22.45),

Егор Вась век на уджалӧ: асывнас сылы, КПСС обкомса членлы, колӧ сёрнитны йӧз водзын.

"Югыд туйын" ме сӧмын на коймӧдтӧлысь. Босьтіс командировкаас, тыдалӧ, медым ӧдйӧджык велӧдчи тшӧтш сылысь- "натаскивайтны" том морттӧ. Ми вӧлім Н.Митюнин ордын. Николай Афанасьевич уналаын "начальникаліс", мыйкӧ дыра уджаліс и Сыктывса райгазетын.

См. также: Виктор Кушманов, Коми народный поэт.

Реклама Google: