Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

СЕРПАСАЙ МОШОВ АРКАДЬ · Г.Самохвалова, Комиӧдіс Ӧньӧ Лав.

Коми муын нига мичмӧдӧмӧн паськыда нималалӧ Мошов Вась Аркадь. Мый и шензян та вылӧ! Ӧд уна во чӧж веськӧдлӧма мортыд серпас вӧчӧмнас Коми небӧг лэдзанінын, да буретш сы дырйи сэтӧн и кутӧмаӧсь петкӧдлыны олӧмтӧ чужан вужсьыным быдтӧм мич пырыс. А мыйта коми нигаад Вась Аркадь ассьыс серпассӧ пуктӧма! Сійӧн и пайыс коми небӧг мич вӧчӧмӧ сылӧн вель ыджыд.

Мошов чужлӧма 1936 вося кӧч тӧлысьӧ 29 лунӧ Перым-коми овкытшса шӧринын, Кудымкарас. Сэтчӧ кольӧма сылӧн челядь дырыс и, том кадыс и. Ичӧтысянь нин зонкаӧс кыскылӧма-чӧжмӧдлӧма небӧглань да серпаслань. А артмис тадзи со мый вӧсна. Дзоля Аркаш бӧрся видзӧдысьыс, Шура нима, буретш велӧдчӧ вӧлӧм видз-му овмӧс текникумын да, медым мыйтакӧ видзтыштны кадсӧ, сетлывлӧма быдтасыслы велӧдан нигаяс, мед пӧ ылалыштас листалігмозыс... А абу тай колӧма ичӧтик мортыслы татшӧм кос небӧгыс! Сэки Шура мӧдас вайлыны детинкалы морта нигашонъяссӧ, тшук челядь вылӧ дасьтӧмаӧс, видзӧдлав пӧ.

Ар вита-квайта Аркашыд велалӧма нин буракодь лыддьысьны, а быдмыштіс да сэсся школаса небӧгаинас кызвыйӧ и коллявлӧма эштан кадсӧ. Абу кӧ нигаад серпасыс, казьтылӧ Мошов, ачым пӧ и вӧчышта да сюйышта листъяс костӧ. Лыддьысигӧн сійӧ тай век, вӧлӧм, мӧвпалӧ, кыдзи нӧ позьӧ петкӧдлыны сэтшӧм ли татшӧм лоӧмторсӧ, овланторсӧ, гижӧдысь юкӧнсӧ. Долыд и нимкодь босьтлӧма ловсӧ тадзикӧн ноксьӧмысла да.

Мошовъясын, бара, серпасалӧмсӧ скӧнь абу пуктӧмаӧсь пыдди — немуйтӧм пӧ тайӧ. Сысянь том мортыд и веськалӧ Кудымкарса вӧр текникумӧ, 1959 воӧ помалӧ сійӧс да петӧ уджавны вӧровмӧсӧ десятникӧн. Лоас сэсся туй мастерӧн и, вӧр текникумын жӧ лаборанталас и: текно меканикаӧн да гижталӧмӧн мырсьыштас. Сёрӧнджык мӧдас керны туялан удж Овкытшса чужан мулы сиӧминын, а сэсся вуджас серпасалысьӧн Перем небӧг лэдзанінӧ, Перым коми юкӧнас.

1963 воӧ Аркадьлӧн збыльмӧ важъя гуся мӧвпыс, сійӧ локтӧ Мӧскуаӧ да мӧдӧ студентавны полиграфистӧ дасьтан институтын. Небӧг гижталысьӧ сійӧс велӧдлӧмаӧсь асланыс кужысь йӧз: А.Д.Гончаров, М.П.Митулин, мукӧд и. Тані том мортыд лӧсьӧдӧма кужанлуныслы зумыд подув. Вежӧр пыдӧсӧдз тай сылы йиджӧма паськыда тӧдса рӧмпасай Анри Матіслӧн шуӧмыс: ӧтмоза донаӧсь пӧ уджныс торйӧн серпас вӧчысьлӧн да небӧг мичмӧдысьлӧн, мӧдыс пӧ тай нӧшта и кыв кутӧ нига лэдзысь водзын на.

Диплом удж пыдди сійӧ мичмӧдӧ Ёгор Алялысь "Лось Васька" нима небӧг, коми мойда нигалы чӧвталӧ мыгӧр-тэчассӧ да В.И.Ленин нима небӧгаинлы дасьтӧ асалан пас. Васька йӧралысь олӧмсӧ серпасалігӧн Мошов сяммӧма тӧдчӧдны рудов керкаяс, букыш козъяс, кӧдзыд ар, пелысьлӧн вӧсни чалльыс да йӧрапикӧд ворсӧмысь гажмӧм челядь — ставыс отсалӧ артмӧдны войвыв муыдлысь ӧтдырйи мелі и, зумыш и пертассӧ.

1967 воӧ Мошов вуджӧ овны Сыктывкарӧ, а 1970 восянь пыр нин уджалӧ Коми небӧг лэдзанінын, роч да коми гижысьлы нигаяс мичмӧдалӧ. Войдӧрсӧ, небӧг дасьтігас, Вась Аркадьыд тай босьтӧ, вӧлӧм, бурторсӧ и мукӧд серпасайлысь, найӧ кӧ лолыслы матынджыкӧсь. Вояс чӧжӧн ӧкмышталӧ уджалан сямыс, а сытӧг, Мошов чайтӧ да, весигтӧ бурысь бура велӧдчӧмыд пӧ нинӧм дон оз сулав. Быдпӧлӧс тыдӧдӧмыс, адззьысьлӧмыс, воча вом сёрниыс — ставыс тайӧ пуксялӧ вежӧрас, лӧсьӧдӧ сэтчӧ аслыссяма бипур кодьӧс, кытысь и пестыссьӧ сэсся енбиыс.

Обложка Декларации прав человека для детей стр. 37 Декларации прав человекастр. 38 Декларации прав человека

Рисунок Рэма Ермолина, 1985.

Уна мый уджалӧма Вась Аркадьыс! Ковмылӧма мичмӧдлыны ставсӧ — кытчӧкӧ корлан кабаласянь сюрс листбока небӧгӧдз. А босьтчӧма челядьлы небӧг дасьтӧмысь. Сьӧлӧм шоныд да гажа серам пуктӧма на пытшкӧ: В.Баринов "Ведьмино кольцо" (1970), В.Трусов "Я на Севере живу" (1971), П.Образцов "Я рисую" (1976), И.Изъюров "Колечко Бурморта" (1976)... Дзоля йӧзлы небӧг мичмӧдігас ӧшинь моз ванйӧвтлӧ Вась Аркадьыд дзар югыд челядьлунӧ, ичӧтик мортлӧн асторъя олӧмӧ.

Бура артмӧмаӧсь Мошовлӧн коми мойда нигаяс: "Сосна до самого неба" (1976), "Ягморт" (1982), "Висер вожся сьыланкывъяс да мойдкывъяс" (1986). Абу кольӧма бокӧ и коми гижысьтӧ: Сӧлӧ баб, Луздор Вась, Нёбдінса Виттор...

Уджалан туйыс гижталысьнымлӧн сэсся и вожалӧма. Ӧти кӧ — коми йӧз пӧвстысь кылана мичсӧ серпасӧ вуджӧдӧмыслань, мӧд кӧ — коми гижысьӧн кужӧмӧн вӧчӧмсӧ син водзӧ тыдавмӧн пуктылӧмлань. И кыкнан туйвизь кузяыс Мошов оз мудзлы корсьны аслыспӧлӧс гижанног да серпас, зільӧ асмознасджык гӧгӧрвоӧдны висьталансӧ.

Йӧз пӧвстын кылана мичланьыс серпасай бергӧдчӧма чудь-йӧгралысь олӧм-вылӧмсӧ бура нин тӧдысьӧн. Отсаліс талы и Овкытшса сиӧминын (Кудымкарас) уджавлыштӧмыс и, ӧтвылысь гӧтырыскӧд, тӧдчана коми туялысь Грибова Степан Любакӧд сиктъясті ветлӧдлӧмныс и — гозъя быдпӧлӧс вужъя йӧзлысь оласног туялігтыр кытшӧвтлӧмаӧсь став Войвыв да Издор мунымӧс. Коми йӧз пӧвстысь кылана мич серти серпасалӧмыс Вась Аркадьлӧн зумыда йитчӧма перым войтырлӧн нэмовӧй кӧлуйнас, олӧмтӧ мойд пырыс гӧгӧрвоӧмнас. Мошов гурйыштӧма-кодйыштӧма йӧз кост вежӧрсьыс джуджыдінъяссӧ да йитлӧма найӧс Пера-багатырӧн, мойдана Ягмортӧн, ставнас важъя коми оласногӧн.

1973 вося "Сосна до самого неба" да 1982 вося "Ягморт" небӧг мичмӧдігӧн Вась Аркадь гӧгӧрбок артыштӧма быд посниторсӧ. Серпассӧ ассьыс быгӧртӧма важ коми серӧн. Быд мойд водзвылӧ пуктӧма перым стильӧн вӧчӧм пас — лэбач, пемӧс, юрбитан кӧлуйсьыс мукӧдтор ли.

Пемӧса перым стильсӧ уджӧдігас Мошов зільӧ ставсӧ стӧча петкӧдлыны вӧвлӧм серти, оз содтав нинӧм ассьыс. "Абу менам инӧд мыйкӧ вежлавны перым стильсьыд, - шуӧ Вась Аркадь. — ӧд тайӧ вӧлӧма зэв аслыспӧлӧса, став ывлаӧс шымыртлана бур быдтӧмыс, да и талун на огӧ вермӧй тырвыйӧдз гӧгӧрвоны сэксясӧ". Мортӧс да кӧлуйсӧ пертасмӧдігӧн серпасай тӧдчӧдӧ гусятор, нӧдӧмсӧ, бӧрйӧм геройыслысь мойданлунсӧ, мукӧддырйи весигтӧ оз и петкӧдлы дзоньнас шӧр мортыслысь вӧчӧмсӧ, саймовтӧ моз сійӧс некор тӧдмавтӧм вылӧ.

Коми мойдчысь Сӧлӧ баблы "Эзысь пӧрт" небӧг серпасалӧмыс эскӧдӧ миянӧс: чуймӧдана стӧча кужӧ Мошов восьтыны кывдӧралысь сюрӧс-вежӧртассӧ да збыль олӧм торпыригъясті тӧдчӧдны войвыв мойдлысь рӧм-серсӧ. Нигаас вӧчӧм став серпасыс артмӧны сёрттӧмсӧ личкӧдлӧмӧн, а асьсӧ сёртӧмсӧ вӧчӧмыс вывті сьӧкыд, стӧч да кузь удж. Сӧмын тадзи пӧ и позьӧ вӧлӧм эзысь тингӧмӧдз варовмӧдны сьӧда-еджыда визьӧбъястӧ. Мошовкӧд ӧтув лыддьысьысь бытьӧкӧ и дзумгысьлас войвыв йӧз олӧмӧ, ыштӧкӧ петкӧдлӧмсьыс збыльлунтӧ и аддзан. А ӧд серпасайыд сука гудралӧма быдлунъясӧ мойдыскӧд. Со тай син водзад аслас ӧш вылын лэбӧ озыр Пеш, со эзысь пӧрт весьтӧд чивъялӧ малича, а тонӧ ошъясыд бур сьӧлӧма Месаньтӧ аттьӧалӧны.

Быдлунъятӧ вержиктанасор пуктӧма Мошовлӧн и. Йӧз кост мӧвплысь джудждасӧ кылігтыр Вась Аркадь сьӧлӧмнас сяммӧма тӧдчӧдны Вокан небӧглысь ("Висер вожса сьыланкывъяс да мойдкывъяс", 1986 во) аслыссикас пытшкӧссӧ серпасӧн, кужӧма тэчавны серсӧ, а сьӧда-еджыдӧн лист боксӧ серпасалӧмыс отсалӧ яръюгыда лӧсьӧдны син водзад гижӧдыслысь торъя юкӧнъяс. А быд мойд водзӧ ляскыштӧм гижтаса лист вылӧ видзӧдігӧн лыддьысьлӧн тӧдлытӧг пыр и петӧ нюмыс: ёна найӧ мунӧны важъя бан выв серпаслань, а содтӧд на сьылана-мойдана геройясӧс жӧ петкӧдлӧны. Тайӧ небӧгӧ гижталігчӧж Вась Аркадь зільӧма корсьны сэтшӧм пертасъяс, медым коми сьылан да мойдан кывлысь пытшкӧссӧ паськыдджыка восьтігӧн оз ло воштӧма чужан вужъя аслыспӧлӧслунсӧ. А зарниасян шоныд рӧмнас вӧдитчӧмыс сетӧ Вокан нигалы гажа мич.

Кодыр Коми небӧг лэдзанін озырмыштӧма уджалан кӧлуйнас, Мошов мӧдӧма мичмӧдавны нигатӧ уна рӧма серпасӧн. Таладорсянь кӧ, зэв мичаа артмӧма Бажов мойдъяс серти ва вапӧн мавтӧмыс. ("Иванко-Крылатко", 1985-ӧд во). Быдлунъятӧ мойдан кывъяс моз жӧ кокниа вежӧртанаӧсь и ва вапа лестукъясыс. Татӧні эмӧсь гажа Тривкинька-Бикинька и, Ыргӧн керӧслӧн чорыд сьӧлӧма да тшап Месань и. Мӧдыс тай со аслас му горсйын, дона из чукӧръяс костын сулалӧ... Став серпасыс воча шыалӧны кывбур руа висьтъяскӧд, ӧтвылысь моз сьылӧдӧны важъя Из дорса кужысь киподтуя войтырӧс.

Коми проза небӧг мичмӧдігӧн серпасай векджык зільӧ сетны ас дырйи олан йӧзлысь ина пертаснысӧ, ӧтлаӧдны ставнысӧ войвыв му дінӧ муслуннас. Тайӧ кызвынныс бордтывйӧн ли сёрттӧмсӧ личкӧдлӧмӧн вӧчӧмторъяс, татшӧм ногнас тай и позьӧ быдладорсянь тыдӧдны войвыв мортыдлысь овтассӧ.

1983 воӧ Коми небӧг лэдзанінын петӧ "В дебрях Севера" нига, кытчӧ чукӧртӧма 18-19 нэмся ӧткымын роч гижысьлысь Коми му да татчӧс йӧз йылысь пасйӧдъяс. Мошов серпасалӧма небӧгас быд гижысьлысь чужӧмбансӧ да та могысь туялӧма вель уна важъя гижӧд-кабала, йиджтысьлӧма ылі кадся олан руӧн, медтыкӧ уджсӧ пӧ инаджык лоӧ вӧчӧма-а.

Торйӧн колӧ висьтавны сы йылысь, кыдзи мичмӧдлӧма Мошов кывбур кудъястӧ. Иан Куратовлысь "Менам Муза" (1979 во) дасьтігӧн серпасай тӧдчӧдӧма коми гижан визув панысьлысь аслыспӧлӧс сямсӧ, авъялунсӧ, вежавидзӧмсӧ, кывбур вылӧ ышӧдысь Зараньыслы ас шодйӧн кесъялӧмсӧ. 1988 воӧ петлӧма Нёбдінса Витторлы чужӧмсяньыс сё во тырӧмлы сиӧм козин выв артыштӧм кывбур чукӧр — "Сьӧлӧм сьылӧ". Медым ярскӧбджыка тыдӧдны кывбурайлы усьӧм сьӧкыд пудсӧ да сэкся чорыд олӧмсӧ, Мошов ойдӧдӧ небӧгсӧ гӧрд рӧмӧн, а сы вылӧ сьӧдӧн визьӧдлӧ чардби, бушков, бовъялана жыннян, шонді (сьӧд жӧ!) да ньӧв моз тӧвзьысь варыш кельӧб...

ВЫЛЬ КЫВЪЯС:

Асалан пас - экслибрис;

Бур быдтӧм - культура;

Быдтӧм мич - вӧчӧм мич - искусство;

Ва вап - акварель;

Вась Аркадь - Аркадий Васильевич;

Вирӧн кылӧм - интуиция;

Вӧрпи - зверь;

Гижан визув - литература (процесс);

Гижӧм бур - литература (совокупность
   произведений
);

Гижталысь - график;

Гижталӧм - графика;

Зарань - Муза;

Ёгор Аля - А.Е.Ванеев;

Йӧз пӧвстысь кылана мич - устное
   народное творчество, фольклор;

Кывдӧра - текст;

Лес, леск - материал;

Личкӧдлыны - печатайтны;

Лопар - саами;

Мичмӧдысь - оформитель, иллюстратор;

Морд - мордва;

Мошов - Мошев (комиӧн кылӧ - ов);

Небӧгаин - библиотека;

Овкытш - округ;

Пертас - образ;

Пертасмӧдны - создать образ;

Пӧвст - слой;

Рӧмпасай - живописец;

Серпасай - художник;

Сёрттӧмсӧ личкӧдлӧм - гравюра на
   пластике;

Сиӧмин - музей;

Текно - технический;

Чудь-йӧгра - финно-угорский;

Чужан вуж - национальность;

Чужан вужъя - национальный;

Шыбур - музыка;

Юрбитан кӧлуй - ритуальные аксессуары.

1985 воӧ Сыктывкарӧ Муюгыд пасьталаысь чукӧртчылӧ чудь-йӧгра туялысь котыр. Чукӧртчылӧм кежланыс Коми небӧг лэдзанінын "Пера-багатыр" нимӧн петӧма чудь-йӧгра мойд чукӧр, кытчӧ бӧрйӧма миян рӧдвужлӧн медся нин бур мойдъяссӧ. Небӧг мичмӧдігас Мошов петкӧдлӧ тырвыйӧ нин кисьмӧм киподтуйсӧ. Сійӧ сяммӧма гӧгӧрвоны да сьӧлӧмӧн кывны сизим войтырлысь (йӧгра, лопар, морд, соми, коми, модяр да перым-комилысь) гортладор олӧмнысӧ, кужӧма аддзыны мойдана овтасъясысь торъяланаӧс да быд чужан вужлы аслыссямаӧс, вуджӧднымоз ставсӧ тайӧс гижталысь кывйӧ и. Серпассӧ татчӧ эськӧ ӧтмоза вӧчалӧма уна рӧма ва вапӧн, а абу муртавтӧг-артавтӧг тадзикӧн керӧма сылӧн. Тӧдса тай, енбисьыд ыпнитӧм мӧвптӧ олӧмӧ пӧртӧм могысь, серпасалана пертассӧ артмӧдӧм могысь киподувса лестӧгыд он ов. А лескыс тайӧ — уна-уна дас чӧвтас (веркӧсас, ылӧсас гижталӧм-мавтӧмтор). И кутан кӧ нин вӧчны выль серпастӧ, та озыр дзебассьыд дзик ӧтиторджык и босьтыштан. Со и тайӧ небӧгысь казялам Мошовлысь уна вося уджын сӧвмӧм сямсӧ, вирӧн кывны кужӧмсӧ, яръюгыд аслыспӧлӧслунсӧ.

Личкӧдлан текникалӧн ӧнія позянлуныс ышӧдӧма Вась Аркадьӧс серпасавны коми йӧз кост мойда выль небӧг вылӧ. Ва вапӧн вӧчӧмторъясыс сылӧн эськӧ аслысруаӧсь да уна торйысь тэчӧмаӧсь-а, челядьыд тай кокниа гӧгӧрвоӧны найӧс. Тайӧ пӧрйӧ син водзад петкӧдлӧма ёнасӧ чепсасьлытӧм, ньӧжмыда кывтана сиктса олӧм. Тӧдчанаин сетӧма татысь и лэбачлы, вӧрпилы, гортса пемӧслы — налӧн пертасныс мойдӧмыскӧд ӧтув ёнджыка ловтӧ шызьӧдӧны. Серпассяньыс веськыда онялӧ муслун и, шаньлун и, сюсьлун и, мудерлун и — ставыс, мыйӧн коми йӧз пӧвстысь кылана мичыс сэтшӧм озыр.

Шоныд рӧмсер, лайкыд, кытсюрӧ чиглунӧдз гижтылӧм визьыс оз сӧмын Мошовлысь сӧвмӧм киподтуй да джуджыд мывкыдсӧ висьтав, а и сы йылысь кайтӧ, кутшӧм пыдіӧдз гӧгӧрвоӧ серпасай мойдан кывйӧ пуктӧм мӧвпсӧ. Кужысь кокни ки помысь ва вапӧн мавталӧм тайӧ лестукъясыс ӧні нин лоӧмаӧсь ыджыда водзӧ воськолӧн коми небӧг гижталан уджын. Ойгана дерт, коми мойдӧм серти мичаысь мича серпасъяссӧ век на абу лэдзӧма да Мошовлӧн уджалан вежӧсын куйлӧны найӧ.

Кывкӧрталӧм могысь нӧшта тӧдчӧдам:

Небӧгӧ серпасалӧм водзӧ нуӧдысь Мошов Вась Аркадь выльсӧ корсигмоз талялӧ сыӧдз ветлытӧм на туйсӧ да пертас гижталысь кывнас зіля лэпталӧ чудь-йӧгра вомгора мичлысь важъя мӧвпа да лов выв пӧвстъяссӧ.

ХУДОЖНИК АРКАДИЙ МОШЕВ · Г.Самохвалова

Одним из известных оформителей коми книги является художник Аркадий Васильевич Мошев. Это не случайно, в течение многих лет он был художественным редактором Коми книжного издательства, и именно в эти годы в издательстве произошли коренные изменения, связанные с поиском художниками национальных форм изобразительного языка. А.Мошев, создав большое количество иллюстраций к книгам коми писателей, внес огромный вклад в историю книжного искусства Коми.

Аркадий Мошев родился 29 сентября 1936 года в г. Кудымкаре - столице Коми-Пермяцкого округа, где прошли его детство и юность. Интерес к книгам и рисованию возник рано и в этом большая заслуга его няни, которая училась в сельскохозяйственном техникуме и, выкраивая время для занятий, давала ему рассматривать свои учебники, чтобы развлечь малыша. Но учебники были непонятны и неинтересны ребенку, тогда няня Шура стала приносить ему потрепанные детские книжки с картинками, которые хотелось просматривать. К 5-6 годам Аркадий научился сносно читать, и чтение стало его любимым занятием в школьной библиотеке. Если книги были "без картинок", то Аркадий сам начинал иллюстрировать и вкладывать рисунки в книгу. Читая, он размышлял, как можно изобразить ту или иную сцену, ситуацию, эпизод. Это занятие доставляло ему огромное удовольствием.

В семье Мошевых рисование считалось забавой, несерьезным занятием, и потому он оказался в Кудымкарском лесном техникуме, в 1959 году окончил техникум и работал десятником леспромхоза. Был мастером дороги, лаборантом по техмеханике и по техчерчению в том же лесном техникуме, работал научным сотрудником Окружного краеведческого музея. Позднее стал художественным редактором Коми-Пермяцкого отделения Пермского книжного издательства. Поступив в 1963 году на факультет книжной графики Московского полиграфического института, А.Мошев осуществляет свою давнюю мечту.

А.Мошев учился у таких крупных мастеров книжной графики, как А.Д.Гончаров и М.П.Митурич. В стенах института пришло знание графики, умение и навыки профессионального мастерства. Слова известного живописца Анри Матисса, которые он запомнил, о том, что нет разницы между написанием картины и созданием книги, подчеркивали ответственность художника перед издательством.

Кудраш. Художник Аркадий Мошев.

Дипломной работой художника стало оформление книги поэта А.Ванеева "Лось Васька", макетирование книги коми народных сказок и экслибрис для Республиканской библиотеки имени В.И.Ленина. Изображая жизнь лося Васьки, художник А.Мошев сумел передать сдержанную суровость природы Коми края. Серые дома, хмурые ели, холодная осень, тонкая ветка рябины и веселые ребята, находящие радость от общения с лосенком – все это помогает создать образ северной земли, одновременно доброй и суровой.

В 1967 году А.В. Мошев переезжает в Сыктывкар, а с 1970 года работает в Коми книжном издательстве и оформляет книги коми авторов. В первые годы работы над оформлением книги А.Мошев испытывал воздействие творчества того или иного художника, близко ему по духу. Но это влияние быстро проходило, с годами накапливался опыт, который, по словам А.Мошева, нельзя заменить никаким художественным образованием. Выставки, встречи, общение, музыка, театр, литература - все это откладывается в творческий багаж и формирует творческую личность художника. А.Мошев, как и все молодые художники, приобретал книги, особенно по книжному искусству, и создал уникальную в своем роде библиотеку.

Работа книжного графика многогранна. Приходилось оформлять все - от пригласительного билета до классического литературного наследия. Начинал свою творческую деятельность художника книги Аркадий Мошев с оформления детских книги, которые иллюстрировал с особой теплотой и юмором: В.Баринова "Ведьмино кольцо" (1970), В.Трусова "Я на севере живу" (1971), "Сосна до самого неба" (1973), П.Образцова "Я рисую" (1976), И.Изьюрова "Колечко Бурморта" (1976). Иллюстрируя детские книги, А.Мошев воссоздает особый, яркий мир детства.

Творческой удачей было оформление книг коми сказок "Сосна до самого неба" (1976), "Ягморт" (1982), "Песни и сказки Вишеры" (1986). Он оформлял книги коми писателей С.Пылаевой, В.Юхнина, В.Савина. В творчестве художника-иллюстратора обозначились 2 направления: это мир художественных образов коми фольклора и мир коми классики. Для каждого направления А.Мошев искал свой стиль и изобразительный язык, собственную выразительную манеру оформления.

Интерес художника к фольклору объясняется глубокими знаниями этнографии финно-угорских народов. Помогли в дальнейшем творчестве работа в Окружном музее в Кудымкаре, участие в этнографических поездках с женой Любовью Степановной Грибовой, известным коми этнографом. Вместе пришлось объехать весь Север и Урал. Иллюстрации художника к коми фольклору тесно связаны с традициями материальной культуры древних пермских народов, с мифологическими представлениями этих народов, отраженными в пермском зверином стиле. А.Мошев обращался к древним пластам народного сознания, связывая их с коми богатырем Перой, с былинным Ягмортом, с древним коми бытом.

В оформлении книг "Сосна до самого неба" (1973), "Ягморт" (1982) художником продумана каждая деталь. Иллюстрации выделены рамкой коми национального орнамента. Начало каждой сказки график обозначает заставкой из элементов пермского стиля - изображением птиц, зверей, предметов ритуальных обрядов.

Используя в своих иллюстрациях пермский звериный стиль, старается быть исторически точным в изображении, не допуская в книгу авторской интерпретации. "Я считаю непозволительным для себя изменять, стилизовать пермский звериный стиль", - говорит А.В.Мошев в нашей беседе - это была особенная, глобальная культура, до сих пор не понятая нами. А в изображении людей и предметов быта подчёркивает таинственность, сказочность своих героев, порой даже не раскрывает до конца действия своих героев, окружает их тайной.

Реклама Google: