Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Бартенс Райа Раакел - финский лингвист, финно-угровед и переводчик, академик

СУОМИЫСЬ КОМИ КЫВ ТУЯЛЫСЬ


Коми кыв да литература велӧдысьяс лыдӧ рубеж сайын пырӧ финскӧй академик, философияса доктор, профессор Райа Бартенс. Таво сылы тырис 60 арӧс.

Райа Бартенс (Bartens Raija Raakel) чужліс 1933 вося октябрь 25 лунӧ Суомиса Вааза карын. 1958 воын сійӧ бура помаліс Хельсинкиса университет, кӧні тӧдмасис коми кывйӧн. Дипломнӧй уджыслӧн темаыс вӧлі "Места петкӧдлысь кывбӧръяс Коми кывйын...".

Университет помалӧм бӧрын Райа Бартенс уджаліс ассистентӧн академикъяс Пааво Равила да Эркки Итконен дорын. Бӧръяыс тшӧтш велӧдіс Коми кыв, волывліс Сыктывкарӧ. Эркки Итконенлы Райа Бартенс отсаліс чукӧртны Инариса саамъяслысь нёль тома словарь.

1972 воын Райа Бартенс дорйис саамскӧй кывъясын падежъяс йылысь докторскӧй диссертация. 1977—1980 воясӧ сійӧ вӧлі доцентӧн Туркуса да Хельсинкиса университетъясын. Колӧ пасйыны: Райа Бартенс саамскӧй кывъяс йылысь гижис да йӧзӧдіс кык йӧрыша небӧг. Ассьыс коймӧд небӧгсӧ сійӧ сиис мордва, мари да удмурт кывъясын инфинитивъяслӧн синтаксислы.

1978—1980 воясӧ Райа Бартенс вӧлі Финляндияын кывъяс велӧдан научно-исследовательскӧй центрӧн веськӧдлысьӧн. 1980 восянь сійӧ веськӧдлӧ Хельсинкской университетын финно-угорскӧй кафедраӧн. 1982 воын профессор Райа Бартенсӧс бӧрйисны финскӧй наукаяс академияӧ действительнӧй членӧн.

Коми кыв да литература йылысь Райа Бартенс гижис дас сайӧ статья. Ӧти статьяын сійӧ видлалӧ, кыдзи И.Куратов Коми кыв вылӧ вуджӧдіс Лука серти Евангелие. Мӧд статьяын Райа Бартенс гижӧ, кыдзи И.Куратов гижис Ен йылысь. Финскӧй учёнӧй висьталӧм серти, медводдза Коми поэт эз вӧв атеистӧн.

Олӧм помӧдзыс сійӧ эскис Енлы. Кык статья Райа Бартенс гижис бӧрдӧдчан кывъяс йылысь.

Профессор Райа Бартенс пыр гижӧ Коми небӧгъяс йылысь рецензияяс. Сідз, сійӧ рецензируйтіс венгерскӧй профессоръяс Д.Фокош-Фукслысь коми-немеча словарь да К.Редэилысь Коми хрестоматия, а сідзжӧ Сыктывкарын да Москваын лэдзӧм Коми сёрниснкасъяслысь сборникъяс. Райа Бартенс — ыджыд поэтическӧй таланта морт. Сійӧ ӧтнас чукӧртіс, вуджӧдіс да йӧзӧдіс куим поэтическӧй антология. 1984 воын финскӧй литературнӧй общество лэдзис Райа Бартенсӧн дасьтӧм Коми поэзиялысь "Кӧка войяс" антология. Антология воссьӧ "Комияслӧн лирика йылысь" ыджыд водзкылӧн, кодӧс позьӧ лыддьыны торъя исследованиеӧн. Медводз сёрни мунӧ Коми йӧзкостса поэзия йылысь. Учёнӧй пасйӧ, мый Коми йӧзкостса поэзияын медшӧр места босьтӧны лирическӧй сьыланкывъяс, дзебсян да кӧлысьдырся бӧрдӧдчанкывъяс, импровизацияяс. Антологияӧ пырисны 15 коми поэт: П.Клочков, И.Куратов, В.Савин, В.Чисталев, В.Латкин, В.Лыткин, Н.Фролов, В.Елькин, А.Размыслов, С.Попов, И.Вавилин, Г.Юшков, А.Ванеев, Н.Щукин, А.Мишарина. Кывбуръяслӧн лыдыс абу ӧткодь. Шуам, П.Клочковлӧн пырӧма сӧмын ӧти кывбур, А.Размысловлӧн — 2, А.Мишариналӧн нин — 13, И.Куратовлӧн — 17 кывбур. Райа Бартенс пасйӧ, мый став коми поэтъясысь А.Мишариналӧн лирикаыс медся матын И.Куратов дінӧ.

Водзкыв бӧръя юкӧнас видлавсьӧ коми кывбур тэчасног. Райа Бартенс гижӧ, мый П.Клочков аслас кывбуръясас ёна вӧдитчӧ фольклорнӧй кывбур формаясӧн.

И.Куратов ёнджыка гижис хорейӧн, дактильӧн да ямбӧн. Хорейӧн да дактильӧн сійӧ вуджӧдіс и Рытыввыв Европаысь поэтъясӧс. Ямбӧн вӧдитчисны М.Лебедев да В.Савин, дактильӧн да хорейӧн — В.Лыткин да В.Чисталев, В.Латкин, Н.Фролов да В.Елькин ёнджыка гижислы ямбӧн. 1920 воясӧ В.Чисталев да В.Латкин пыртісны Коми поэзияӧ В.Маяковскийлысь "орӧдӧм строкаяс". Видзӧдлыны кӧ стиль боксянь, то уна ӧткольыс В.Елькинлӧн да В.Латкинлӧн.

Антологиялӧн эм мӧд ним — "Комияслӧн лирика". Тыдалӧ, книга лӧсьӧдысьыс тӧд вылас кутіс кызвыннас пейзажнӧй лирика. Антологияас абуӧсь политическӧй, патриотическӧй кывбуръяс.

Став Коми кывбуръяссӧ финскӧй кыв вылӧ вуджӧдӧма зэв стӧча. Тайӧ, тыдалӧ, петӧ сыысь, мый коми да финн лоӧны рӧдвуж кывъясӧн. Налӧн ӧткодь синтаксис, пӧшти ӧткузяӧсь торъя кывъяс да сёрникузяяс: оз ёна торъяв падежнӧй система, ударение. Тайӧ ставыс отсаліс вуджӧдысьлы бура гӧгӧрвоны коми кывбуръяслысь тэчассӧ да пытшкӧслунсӧ.

Тайӧ висьталӧ сы йылысь, мый Райа Бартенс ыджыд поэтическӧй таланта морт, бура тӧдӧ коми кыв.

Антология помасьӧ "Комияс да Коми му" йылысь пасйӧдӧн. "Небӧгсӧ дасьтӧма финскӧйлы рӧдвуж кывъяс велӧдысьяслы да мукӧдъяслы, кодъяс кӧсйӧны тӧдмавны Россияын олысь ичӧт войтыръяслысь культурасӧ" — тадзи кыв кӧрталӧ антологиясӧ профессор да поэтесса Райа Бартенс. Райа Бартенсӧн чукӧртӧм мӧд антологияӧ пырисны манси да ханты поэзия. Сылысь коймӧд антологиясӧ сиӧма мордва поэзиялы.

Талун профессор Райа Бартенс водзӧ уджалӧ Хельсинкскӧй университетын, гижӧ выль небӧгъяс да статьяяс, дасьтӧ мари поэзиялысъ антология.

А.ТУРКИН, филологияса доктор, "Коми Му" республикаса войтырлӧн газет, 1993 ноябрь 11 лун.

Водзӧ: "Арт" #2, 1998. Райа Бартенс. Иван Куратовлӧн енмӧс серпасалӧм.

*   *   *

Райа Бартенс (Bartens Raija Raakel, урож. Jokinen) - финский лингвист, финно-угровед и переводчик, академик, родилась 25.10.1933 в г. Вааса, Финляндия.

В 1958 окончила Хельсинки университет и до 1979 работала ассистентом академиков П.Равила и Э.Итконена, которому вместе с Л.Лайтинен помогала составлять четырехтомный словарь языка инарских саамов. В 1972 Райа Бартенс защитила докторскую диссертацию о синтаксисе падежей саамских языков.

В 1977—1980 работала доцентом Турку и Хельсинки университетов, была директором Государственного научно-исследовательского центра языков Финляндии. С 1980 — профессор, заведующая кафедрой финно-угорского языкознания в Хельсинки университете. В 1982 избрана действительным членом Финской Академии наук.

Райа Бартенс — исследователь многих финно-угорских языков. Еще учась в университете, она написала работу "Syriäänin kielen paikkaa ilmoittavat postpositiot ja niiden syntäktinen käyttӧ". Helsinki, 1957, рукопись (Пространственные послелоги и их употребление в коми языке). Затем издала две монографии о саамских языках (1972, 1978), выпустила книгу об инфинитивных формах в мордовском, марийском и удмуртском языках (1979).

Райа Бартенс посвятила более десяти статей коми языку и литературе. В статье "Zur Syntax der Nominalsätze und der "sein"-Sätze syriänischer Mundarten" — Commentationes Fenno-Ugricae in honorem Erkki Itkonen. Helsinki, 1973, 36-43 (О синтаксисе именных предложений и "быть"-предложений в зырянских диалектах) рассматриваются коми предложения со вспомогательным глаголом. Ряд статей посвящен Ивану Куратову, две статьи посвящены коми фольклору: "Плачи коми народа" (1986) и "О плачах пермских народов" (1991).

В 1984 в Хельсинки вышла антология коми поэзии под названием "Käenkukuntayӧt Komien lyriikka." ("Кукушкины Ночи. Коми Лирика"). В антологию вошли коми народная поэзия и стихи 15 коми поэтов. Все поэтические произведения перевела сама Райа Бартенс и лпубликованы параллельно на коми и финском языках. Вторая ее антология содержит поэзию манси и хантов, третья — посвящена мордовской поэзии.

Реклама Google: