Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Коми топонимический словарь · Сыктывкар

Коми топонимический словарьСыктывкар, гор. и ж-д. ст., столица Коми Автономной Советской Социалистической Республики. Расположен на лев. берегу Сысолы при ее впадении в р. Вычегду.

Письменные сообщения о Сыктывкаре относятся к сравнительно позднему времени: "Погост на Усть-Сысоле реки" (1586). 25 января (5 февраля) 1780 погост Усть-Сысольск был возведен в ранг уездного города и назван Усть-Сысольском. С 1802 - центр Устьсысольского уезда Вологодской губернии.

Местное население же называло его Сыктывдінпом или просто Сыктывдін "место у устья р. Сысолы" (коми Сыктыв "Сысола" и дін "устье" образует названия населенных пунктов, находящихся у устья, в устье какой-л. реки).

26 марта 1930 г. в день празднования 150-летия города, постановлением Президиума ЦИК СССР Усть-Сысольск был переименован в гор. Сыктывкар, т.е. "город на Сысоле реке" (коми кар "город"). 5 декабря 1936 г. Коми автономная область была преобразована в Коми АССР, и Сыктывкар становится ее столицей. См. Сысола.

В настоящее время (2016 г.) в Сыктывкарский городской округ входят ближайшие поселки Верхний Мыртыю, Верхняя Максаковка, Выльтыдор, Краснозатонский, Седкыркещ, Трехозерка. Выделен Эжвинский район.







Весеннее наводнение.   Сыктывкар, вид на Заречье. Название теплохода
Усть-Сысольск - старое русифицированное название города. Май, 2016.
GPS: North 61° 40′ 25.03″, East 50° 50′ 32.97″.

 

Коми топонимический словарь.

*   *   *

А.И.Туркин "Кӧні тэ олан?" — СЫКТЫВКАР, КУДЫМКАР ДА МУКӦД КАРЪЯС.

Сыктывкар — Коми автономнӧй республикалӧн столица. 1980 воӧ февраль 7-ӧд лунӧ сылы тырӧ 200 во. Пукалӧ карыс Сыктыв ю вомын, кытысь и артмӧма сылӧн нимыс. Кутшӧм вежӧртасыс Сыктыв (рочӧн Сысола) нимлӧн, ӧні сьӧкыд на висьтавны. Но ӧтитор ясыд: Сыктыв да Сысола ӧти нимлӧн вариантъяс. 1586 вося писцӧвӧй книгаса сотнӧйын пасйӧма: "Погост на Усть-Сысоле реки". Сыктывкар йылысь 1933 воӧ со кыдзи гижліс Нёбдінса Виттор "Сыктывкар" нима поэмаын:

Сыктывкар!
Тэнад историяыд абу зэв ичӧт.
Тӧдӧмысь, дзик пыр тэ карӧн эн ло.
Кар нимсӧ новлӧдлан, честьтӧ эн личӧд
Сё да ветымын дай куимӧд во.
Нёльсё во сайын тэ вӧвлін "починок",
Куимсё во сайын тэ вӧвлін "погост"
Ёгорей вичкоа, квайт керка "чина"...
Сэсянь, дерт, карӧдзыд зэв ыджыд кост.

1930 вося март 26-ӧд лунӧ, кор кар пасйис ассьыс 150 вося юбилей, СССР-са ЦИК постановлениеӧн Усть-Сысольсклы вӧлі сетӧма выль ним Сыктывкар. Ӧні Сыктывкар миян Войвылын ыджыд промышленнӧй, культурнӧй да научнӧй центр.

Кудымкар — Коми-Пермяцкӧй национальнӧй оккруглӧн столица. Быдмис сійӧ Кува вомын, кытысь и босьтӧма ассьыс нимсӧ — Ку(ва)дін кар. Медводдзаысь Кудымкар гаравсьӧ 1579 вося перепись дырйи.

Кар кывлӧн вежӧртасыс некымын. Ӧти-кӧ, тайӧ поз, шуам, кодзувкоткар. Мӧд-кӧ, тайӧ кывнас пасъям важ йӧзлысь оланінсӧ, кармылькъяс-городищеяс. Вӧръяс, тыяс, юяс бокӧ, мылькъяс вылӧ важ йӧз стрӧитлісны укрепитӧм городищеяс, чужлісны оланінъяс, кодъясӧс ми ӧні и нимтам чудь каръясӧн. Татшӧм каръясыс Коми му пасьтала уна. Ставсӧ ог вермӧ лыддьӧдлыны, но век жӧ пасъям некымын ним.

Эжва вожын: Карвыв, Карйыв, Кармыльк, Карыбйыв, Каръюр, Карагӧраму, Карашор.

Сыктыв вожын: Карвидз, Кардор, Карйӧр, Каркурья, Карлыабӧж, Картуй, Кырыбшор.

Висьӧр вожын: Карвӧрвыв, Кармыльк, Карты, Карашор.

Изьваын: Вылыскаръёль, Каръёлькерка, Кармыльк, Каръяг.

Емва вожын: Важкар, Изкар, Кар, Карводз, Карпас, Каршор, Каръяг.

Мезень-Вашкаын: Карнӧрыс, Карсиыб, Каршор, Каращель.

Коймӧд-кӧ, талунъя понятиеын кар ыджыд промышленнӧй да культурнӧй центр, тшӧкыда столица — Кудымкар, Сыктывкар. Иӧзкостса сёрниын Сыктывкар частӧ шусьӧ Карӧн. Важӧн улыс Эжваын вӧлі асланыс центр — Яренскӧй кар, кодӧс сідз жӧ шулісны Карӧн. Олӧма йӧз сёрниын бергалӧ на Архангельсклӧн важ коми ним Кардор.

Важ каръяс ми аддзам и Урал-Из сайысь, кытчӧ воисны найӧ комияс отсӧгӧн. Тӧдам, мый XV—XVII нэмъясӧ роч йӧз писькӧдчисны Обь, Енисей да Лена вожъясӧ, медым Россия дінӧ ӧтлаӧдны Сибирӧс. Туй индалысьяснас, а кӧнсюрӧ и нырщикъяснас вӧліны коми йӧз, кодъяс бура тӧдісны Из сайса местаяс да сэтчӧс йӧзлысь кывъяс. Сідз, XVII нэмся географическӧй памятник "Книга Большому Чертежуысь" ми аддзам вель уна коми ним. Вайӧдам некымынӧс: "А от Носового 70 верст с правой стороны Оби, город Ирка". Бӧръя кывсӧ, тыдалӧ, колӧ гӧгӧрвоны Ныркар. "А от Ирка вверх 40 верст Воикар или Ноцкои". Тані вой кыв кутӧ "войвывса" вежӧртас и Войкар гӧгӧрвосьӧ "войвывса кар". XVII нэмся роч кывйын ночь сідз жӧ кутіс кык сикас вежӧртас: "вой" да "войвывса". Хантъяслӧн тайӧ карыс шусьӧ Айваж ("войвывса кар"), ӧні Ямало-Ненецкӧй национальнӧй округын эм Усть-Войкар.

"А выше Воикара Уркар или Белой". XVII нэмся роч кывйын беличий прилагательнӧй гижсис кыдзи "белой, белий". Ӧні тайӧ карыслӧн нимыс Лангивожские юрты. Ханты ногӧн ур лоӧ "ланки".

"А выше 20 верст Сускар или Роговой". Тані, тыдалӧ, ичӧтик дзугӧм. Комиӧн сус, суспу лоӧ "сибирскӧй кедр". Мыжы сикт дорын эм ханты грезд Нагар-юх-корьт, коді гӧгӧрвосьӧ кыдзи "суспу сикт". Колӧ мӧвпавны, мый тайӧ и эм Сускарыс.

Роговой комиӧн лоӧ "сюра, сюрӧсь". Ямало-Ненецкӧй национальнӧй округысь аддзам сикт Шурышкар (карта вылын Шурышкары). Хантъяс тайӧ грездсӧ шуӧны Лор-вожӧн, Лар-важӧн "тыа кар". Шурыш кывсьыс оз артмы шор кывйыс, да и шор да лор "ты" костын ыджыд смыслӧвӧй торъялӧм.

Колӧ мӧвпавны, мый шурыш кывйыс гӧгӧрвосьӧ кыдзи сюрӧсь "роговой". Казьтыштам, мый коми сь регулярнӧя вуджӧ роч ш-ӧ. Ставыс сувтіс ас местаас — Роговой сійӧ ӧнія Шурышкар.

Нӧшта казьтывсьӧ "город Келчикар". Нимыс артмӧма кельчи чери нимысь. Ханты ногӧн лоӧ Келси-лор-корьт. Неуна улысьджык аддзам "город Шеркар", коді гӧгӧрвосьӧ кыдзи Шӧркар. Манси ногӧн Ят-ус. Ӧні тайӧ карыслӧн нимыс Шеркалы.

Водзӧ казьтывсьӧны: Искар (Изкар), Канкар, Пыскар, Хуликар (ӧні Люликар).

Талунъя Коммуысь позьӧ аддзыны татшӧм нимъяс: Анюшкар, Вашкар, Вымкар, Дойкар, Крымкар, Майкар, Редикар, Чумкар.

Кар кыв эм и удмуртъяслӧн тайӧ жӧ вежӧртасын: Ижкар (Ижевск), Синкар (Глазов), Дзючкар, Поркар, Садейкар, Учкакар, Эбгакар.

Удмуртъяс комияслы медся матыс вокъяс и, быттьӧкӧ, тані шензьӧданаыс немтор абу. Но орчча Чувашияысь ми бара аддзам каръяс: Моркар, Муркар, Шашкар, Пошкар, Шупашкар (Чебоксары). Кировскӧй областьын эм Шошкар да Кукар нима сиктъяс. Венгерскӧй учёнӧй Бернат Мункачи серти Самаралӧн (ӧні Куйбышев) удмуртскӧй нимыс Самаркар.








Кытысь нӧ лоӧма кар кывйыс, коді ӧткодь комияслӧн, удмуртъяслӧн да чувашъяслӧн? Учёнӧйяс дыр туялісны тайӧ кывйыслысь вежӧртассӧ. Француз О.Соважо мӧвпалӧ, мый тані дзебсьӧмаӧсь нанайскӧй корре "стен" да бурятскӧй кюре "двор" кызъяс. Финн Т.Уотила йитліс ханты да манси хар "места" кывкӧд. Унджык учёнӧйяс, на пӧвстын чуваш В.Г.Егоров, мари Ф.И.Гордеев да роч Б.А.Серебренников, мӧвпалӧны, мый кар иранскӧй кыв Сарыкольскӧй кылын (иранскӧй кыв чукӧрысь) эм хор "кар, страна" кыв. Коми да мукӧд кывъясӧ карысь кындзи пырӧмаӧсь мукӧд иранскӧй кывъяс, шуам, амысь, бурысь, вурун, дар, ендон, зарни, кӧрт, майтӧг, нямӧд, пурт, тасьті да с.в.

Реклама Google: