Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Коми топонимический словарь · Камсамас

Коми топонимический словарь — Камсамас.

Камсамас, д. в Усть-Вымском р-не, см. с. Айкино и карта (Айкино—Камсамас - 11км, с. Гам сельсовет). Расположена на возвышенном прав. берегу Вычегды. "Деревня Канцамас" (1585-86), в 1859 - Камсамасная (Камсамас).

В первой части названия выступает уд. кам "ток, токовище", камса "со стороны токовища". Вторая часть мас (-мӧс) имеет значение "исток, источник; ручей". Таким образом, Камсамӧс осмысливается как "ручей со стороны токовища".

Совр. форма Камсамас образовалась от Камсамӧс в результате уподобления предыдущим а последующего ӧ.

Коми топонимический словарь.

*   *   *

А.И.Туркин "Кӧні тэ олан?" — Камсамас.

Ӧти кывбурын Альберт Ванеев гижӧ:

Угорскӧй, либӧ вепсскӧй,
А, гашкӧ, коми — ас:
Важ сиктлӧн нимыс тешкодь,
Збыль тешкодь — Камсамас.

Да, тайӧ улыс Эжваса ичӧтик сиктыслӧн нимые важ. 1585—1586 вося писцӧвӧй книгаса сотнӧйысь лыддям: "Деревня Канцамас". Мукӧд писцӧвӧй книгаясысь тыдалӧ, мый 1608 воын сикт нимсӧ гижӧмаӧсь кыдзи Канцемар, 1646 воын — Канцман, 1678 воын — Кайцсаман, и сӧмын 1747 воын петкӧдчӧ ӧнія форма — Камсамас. Збыль, тыдалӧ, нимыс вӧлӧма тешкодь. Со ӧд кыдзи дзуглӧмаӧсь гижанногсӧ.

Камсамас ним абу обско-угорскӧй ни абу карело-вепсскӧй, а коми — ас. Медводдза юкӧныс кам, мӧд ногӧн кӧ, "койт, койтас" кыв. Эм и глагол камавны "койтны". Кыкнан кывйыс кольӧма сӧмын удора сёрниын.

Мӧд юкӧныс мас (правильнӧ мӧс) кутӧ "вож, источник, исток, приток" вежӧртас. Ӧти кывйӧн кӧ, шор. Тайӧ кывсӧ позьӧ аддзыны татшӧм сочетаниеясысь, кыдзи ӧшмӧс, юкмӧс. Правильнӧ сикт нимыс лоӧ Камсамӧс —"койтанінті, либӧ койтанінсянь визувтысь шор". Бӧрынджык кык медводдза а-ыс кыскасны ас дінас ӧ-сӧ и артмас Камсамас.

Мыйла нӧ ӧні олысьясыс оз гӧгӧрвоны сиктыслысь коми нимсӧ? Да сы вӧсна, мый улыс Эжва сёрниын кам да мӧс кывъясыс абуӧсь нин, вошӧмаӧсь. Водзын, буракӧ, кам кывйыс улыс Эжва сёрниын ёна бергалӧма. Та йылысь висьталӧны татшӧм места нимъяс: Камашор, Таркама (яг). Сідз жӧ и мӧс кыв тшӧкыда паныдасьлӧма ю да места нимъясын: Джумтамӧс, Кочмӧс, Мадмӧс (Мадмас), Сӧдзмӧс, Сьӧдмӧс, Чермӧс, Ядмӧс да с.в.

Колӧ содтыны, мый Камсамас сулалӧ вылыс местаын, косінын, гӧгӧр мича яг, а сикт боктіыс визувтӧ ичӧтик шор.

Реклама Google: