Komi Zyrians Traditional Culture

КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КНИГИ

Главная » Коми культура » музыка » песни Геннадия Юшкова

Коми сьыланкывъяс

ГЕННАДИЙ ЮШКОВЛӦН СЬЫЛАНКЫВЪЯС

Еще другие песни и видеоальбомы: Коми народная музыка.

МЫЙЛА ЭСЬКӦ ГӦТЫРЫД   шыладыс В.Гущинлӧн, кывъясыс Г.Юшковлӧн

Мыйла эськӧ гӧтырыд абу куим-нёль?
Сэки эськӧ некодӧс некор он и коль,
Эн и дӧзмы некодысь — сӧмын ваш да ваш,
Сы вӧсна мый быдӧнысь бырліс эськӧ гаж.

Мыйла эськӧ верӧсыд абу нёль-ӧ-вит?
Сэки эськӧ некодӧс некор он и вид.
Мый тэн колӧ вӧчасны, сӧмын налы шу,
Сё майбырӧй, нинӧмысь шогыд оз и су.

Петалас мед ставныдлы кыв йыланыд мыль,
Ми ӧд сӧмын шмонитам, огӧ шуӧй збыль.
Ассьыд понтӧ вӧравны некодлы он сет,
А мед ӧти гӧтырыд витлӧн вӧлі мед!

Аттӧ найӧ кутшӧмӧсь! Гачаӧсь дай сідз.
Миянлы на сетлӧма Енмыс садь и мич.
Верӧс саяд петам да, юрным оз на усь,
Кӧнкӧ гусьӧн, тіян моз, некод на оз узь.

Вайӧ дугдам вензьыны. Дугдамӧй и эм!
Сы вылӧ и муслуныд, мед оз куслы нэм.
Гӧтрасян да, гозъяыд быттьӧ топыд йӧр,
Некод оз лысьт сюйсьыны, некод оз и тӧр!



Василий Гущин и Геннадий Юшков

*   *   *

См. песни "Коми ань" и "Марьямоль" на слова Г.Юшкова в сборнике песен современных композиторов.

См. песни "Мича ижемка" и "Кӧр видзысьяслӧн сьыланкыв" на слова Г.Юшкова в сборнике Ижемских песен.

См. песня "Коми муӧй" шыладыс А.Уляшевлӧн, кывъясыс Г.Юшковлӧн текст и видео.

ОК, ЙӦЙ, КЫКЫСЬ ЙӦЙ!   шыладыс В.Гущинлӧн, кывъясыс Г.Юшковлӧн

Кӧні гудӧк, кӧні гажа,
Ачыс кокыд лэбалӧ.
Эсійӧ тай сюра йӧйыс
Ме дінӧ и сибалӧ.

Ок, йӧй, кыкысь йӧй!
Из улысь-ӧ-кытысьӧй?
Вӧлі нин ме верӧс саяд,
Ад гуранад ог нин вӧй.

Дугдылі нин синва кисьтны,
Дугдылі нин шогавны.
Вӧтчас йӧйыд колльӧдны да,
Мед тӧй эськӧ окавны.

Ок, йӧй, кыкысь йӧй!
Из улысь-ӧ-кытысьӧй?
Муслунтӧгыс нин ме ола,
Эн, колӧкӧ грекӧ вӧйт!

Мун нин, мися, унмӧй локтӧ,
Кинад, мися, эн ӧвтчы.
Йӧйлӧн, сылӧн ӧти сёрни,
Ог пӧ тэысь эновтчы.

Ок, йӧй, кыкысь йӧй!
Из улысь-ӧ-кытысьӧй?
Бара аслым шогсӧ корся...
Ылӧдлан кӧ, мутивӧй!

МУСА ЗОН   шыладыс В.Чувьюровлӧн, кывъясыс Г.Юшковлӧн

1  

Муса зонмӧй, мыйкӧ,
Татчӧ менӧ лый кӧть.
Кор тай менӧ сывйыштін,
Став олӧмӧс тывйыштін.
Припев.

Припев:  

Зон, зон, муса зон,
Ме ӧд тэнӧ радейта.
Зон, зон, муса зон,
Ме тэ вылӧ надейтча.

2  

Муса зонмӧй, мыйкӧ,
Татчӧ менӧ лый кӧть.
Быд вой тэнӧ вӧтася,
Кыз синваӧн кӧтася.
Припев.

3  

Муса зонмӧй, мыйкӧ,
Татчӧ менӧ лый кӧть.
Мунігмозыд суӧда,
Сой пӧлӧдыд нуӧда.
Припев.

4  

Муса зонмӧй, мыйкӧ,
Татчӧ менӧ лый кӧть.
Гортлань тэнӧ кежӧда,
Тагъя сурӧн вежӧда.
Припев.

5  

Муса зонмӧй, мыйкӧ,
Татчӧ менӧ лый кӧть.
Нэмыд кежлӧ сирася,
Либӧ ваӧ йирася.
Припев.

Реклама Google: