КОМПОЗИТОРЪЯСЛӦН ӦНІЯ КАДСЯ СЬЫЛАНКЫВЪЯС  лӧсьӧдіс П.И.Чисталев, 1984.

Еще другие песни в разделе Коми народная музыка

 КОМИ КЫВ
   Кывъясыс И.Куратовлӧн   Музыкаыс А.Каторгинлӧн

Коми кыв ме тӧда,
Ыджыдтӧр оз шу на,
Тӧда ме и сійо –
Оз и сӧр на уна.

Тайӧ кыв мем дона,
Небыд, мича, гора, –
Вунӧдас ен мыжӧс,
Кодыр сійон кора!

Тайӧ муса кывйӧн
Чой–вок сёрнитӧны,
Тайӧ кывйӧн меным
Ай–мам бур сиӧны!

Тайӧ кыв ме кывлі
Аслам люлю дінын,
Сійӧ менам вунас
Сӧмын дзебанінын.

Тайӧ кывлысь мичсӧ
Сьӧлӧмӧн ме кывлі –
И сэк медводз сыӧн
Ньӧжйӧника сьылі...

Тайӧ кывйӧн мукӧд
Гораджыка сьылас, –
Сё кызь сюрс пель сэки
Уна буртор кылас!

 ЮКМӦС ДОРЫН
   Кывъясыс С.Поповлӧн   Музыкаыс В.Рассадинлӧн

Асъявылын юкмӧс дорӧ
Нывка вала петіс,

Сэк, кор шонді ыджыд чолӧм Садьмӧм мулы сетіс.

}

2–ысь

Трактористлы смена помын
Мунны таті ковмис.

– Разрешит вай ведра помысь Югыд васӧ зонлы...

}

2–ысь

– На здоровье,– шуис нывка,
Сӧстӧм миян ваыс!

Зонмыс мелі вӧлӧм вывті, Чужӧмыс кӧть саӧсь...

}

2–ысь

Сэсся уна, уна асыв
Грездса юкмӧс дорын

Нывлӧн ведра помысь васӧ Юліс тайӧ зонмыс.

}

2–ысь

Мыйла сылӧн горшыс косьмӧ,
Гӧгӧрвои бӧрын:

Абу кокни сьӧлӧм восьтны Нывлы юкмӧс дорын.

}

2–ысь

 КАТШАСИНЪЯС
   Кывъясыс С.Поповлӧн   Музыкаыс А.Осиповлӧн

Коркӧ узьланныд он, катшасинъяс,
Мыйла восьсаӧсь пыр тіян синъяс?
Менӧ пыр сӧмын ті дінӧ нуӧ,

см. "Асъя Кыа" video, концерт хоровой группы "Вечер хора" 22 апреля 2009, песня Катшасинъяс mov 39.5Mb, 146sec.

Лыдтӧм дзоридзӧн тыр Коми муӧ.
Катшасинъяс,
Катшасинъяс,
Мыйла восьсаӧсь пыр тіян синъяс?

Эмӧсь лунвылын мичаджык муяс,
Сэні кывтӧны визувджык юяс.
Сӧмын мыйлакӧ пыр медся матыс
Эзысь лысваӧн дзирдалысь асыв.
Катшасинъяс,
Катшасинъяс,
Мыйла восьсаӧсь пыр тіян синъяс?

Уна сьыланкыв татысь ми кывлім,
Кодӧс сиӧны радейтан нывлы.
Ловъя дзоридзысь мый бурыс сюрӧ
Нывлы пуктыны кудриа юрӧ?
Катшасинъяс,
Катшасинъяс,
Мыйла восьсаӧсь пыр тіян синъяс?

 ЛУНЫС КОЛИ ВАЖӦН
   Кывъясыс С.Поповлӧн   Музыкаыс А.Осиповлӧн

Луныс коли важӧн,
Шонді лэччис улӧ,
Бара воис рытъя ворсан кад.
Ывла вылын гажа,
Ывла вылын тулыс,
Ывла вылын гӧгӧр быдмӧ сад.

Меліа и гора
Гудӧк ворсӧм кылӧ.
Гудӧк борся сьыла ачым ме.
Тэнӧ, нывка, кора:
Петав улич вылӧ,
Мекӧд, муса нылӧй, йӧктышт тэ.

Со и петіс сійӧ,
Нывка менам, муса,
Сьӧлӧм аслас муніс быдӧн лич.
Чужӧм ӧзйӧ биӧн,
Нюмыс оз и кусав:
Важ лорысь на унджык сылӧн мич.

Менам ворсӧм шыӧ
Горӧдлы вай сьывны,
Юрӧбтылас медым гажа сад.
Тэнсьыд гӧлӧс шытӧ
Любӧ меным кывны,
Орччӧн тэкӧд лоны меным рад.

 ПӦПУТЧИК
   Кывъясыс С.Поповлӧн   Музыкаыс А.Осиповлӧн

Видзьяс выло куртны моді сӧмын ме,
Мунігкості киӧс кодкӧ кутіс сэк:
Мыйся, шуа, кодлӧн кабыр татшӧм ён?
Видзӧда да, орччӧн кыв–вора том зон.

– Ме пӧпутчик тэнад,–шуӧ,– мича ныв...
Ачыс пельпом вылӧ нюжӧдӧ нин сыв.
Кытчӧ вӧтлан мортӧс,– туйыс наськыд зэв.
– Сӧмын аслад килы вӧля тэ эн сет...

Абу ылын, аддзан, миян паськыд видз,
Зонмӧй, ассьыд вынтӧ,–шуа сылы,–видз.
Лунтыр менам сьӧлӧм волі биа пӧсь.
Лысваыс кодь мӧвпӧй лои аслам сӧдз.

Гортланьӧ бӧр локтіг виччыси ме дыр,
Оз–ӧ кодкӧ нюжӧд мелань ассьыс сыв.
Асъя том пӧпутчик – оз ӧд мешайт мем,
Варовитӧ сійӧ мыйта колӧ мед!

 ВИДЗ ВЫЛЫН
   Кывъясыс М.Лебедевлӧн   Музыкаыс А.Осиповлӧн

Шоныд гожся лунӧ
Турун куртӧм мунӧ.
Том ныв–зон,
Збой да ён,
Видз вылын зэв уна.

Пӧрысь сэн жӧ вӧрӧ,
Зіля уджсӧ керӧ:
Мый кӧть дзор –
Нинӧмтор,
Оз жӧ кольччы бӧрӧ.

Казялісны найӧ,
Мый сьӧд кымӧр кайӧ –
Видзьяс весьт,
Юръяс весьт
Тӧв ныр сійӧс вайӧ.

Ӧддзӧдчис став куран –
Ӧти дум быд юрын:
Мед колхоз
Веж да кос
Босьтас татысь турун.

Коді юръяс вӧчӧ,
Коді новлӧ сэтчӧ.
А юр лыд
Кыксё вит
Сэні лоис стӧча.

Некод удж оз орӧд,
"Уф" ни "ох" оз горӧд, –
Дружнӧй йӧз,
Вына йӧз,
Чӧвтіс ыджыд зорӧд.

Найӧс зэр эз суӧд –
Гажӧн сьӧлӧм пуӧ.
"Ӧтув вын
Нэм оз чин!"–
Шуда войтыр шуӧ.

 КОР МИ АДДЗЫСЬЛАМ ТЭКӦД
   Кывъясыс Ф.Щербаковлӧн   Музыкаыс А.Осиповлӧн

Кор ми аддзысьлам тэкӧд,
Менам куслытӧм кодзув,
Сэки югдывлӧ енэж,
Выль ног вӧччывлӧ сад.
Кор ми аддзысьлам тэкӧд,
Менам дзирдалан кодзув,
Пӧся тіпкӧ сьӧлӧм
И мичмӧ том кад.

П р и п е в:
  Зарниӧн ӧзйӧ
  Кыалӧн рӧм,
  Рытыс зэв шоныд да лӧнь,
  Сьӧлӧмӧй менам
  Виччысьӧ тэнӧ
  Сэтчӧ, кӧн шӧпко веж льӧм.

Паськыд Эжва ю дорын
Миян гӧрддзасис муслун,
Долыд удж вылын сӧвмис,
Кыдзи видзвыв цветок,
Сійӧ миянӧc корӧ
Асьтӧ сӧстӧма видзны,
Медым морӧсӧ некор
Эз пыравлы шог.

П р и п е в:

Югыд муслун – эм радлун,
Сійӧ кыпӧдӧ сьӧлӧм
И век чуксалӧ водзӧ
Ылысь восьтны выль эрд,
Коні ми водзын кадыс
Ачыс бӧрыньтчӧ тӧлӧн,
Сетӧ вӧжжисӧ кисьыс
Кузь нэм кежлӧ тэд.

П р и п е в.

 КӦНКӦ БӦРДІС ГУДӦК ШЫ
   Кывъясыс Ф.Щербаковлӧн   Музыкаыс В.Мастеницалӧн

Ӧшиньясын сярвидзис,
Ӧзйис югыд би.

Нӧрысйывса коз дорын Кыкӧн пукалімӧй ми.

}

2–ысь

Кӧнкӧ бӧрдіс гудӧк шы,
Дзольгис эзысь шор.

Менсьым сьӧлӧм вӧрзьӧдін, И эг кыв ме налысь гор.

}

2–ысь

Август вой руд бархатын
Шӧпкис кыдз пу рас –

Сьыліс тэнад удж йылысь, Сотіс менсьым сьӧлӧмӧс.

}

2–ысь

И мед бӧрдӧ гудӧк шы, –
Дзольгы, эзысь шор!

Менсьым ыджыд муслунӧс Некод тэ дінӧ оз торк!

}

2–ысь

 ЗАРНИ ЧИКЫШ
   Кывъясыс М.Лебедевлӧн   Музыкаыс В.Мастеницалӧн

Зарни чикыш, лэптысь вылӧ,
Вынсьӧд ассьыд тэрыб борд.
Сэсся лэб зэв ылӧ, ылӧ.
Сэтчӧ, кон границадор.

Сэні менам донаторйӧй
Пограничник Гриша эм,
Кӧть и олам ӧні торйӧн,
Зэв ӧд муса сійӧ мем.

Сійӧс аддзӧд гажа лунӧ,
Пуксьы сы водзӧ да сьыв.
Висьтав сылы, мый эз вунӧд
Ассьыс Гришаӧс том ныв.

Мед граница сюся видзас,
Зарни чикыш, сылы шу,
Мед пыр лоас шуда мича
Миян дзоридзалан му.

 ТӦДСА ПИЛОТ
   Кывъясыс В.Власовлӧн   Музыкаыс В.Мастеницалӧн

Ме ю шӧрӧ пета
Да бакенъяс ӧзта,
Мед прӧйдитас сэт теплоход;
Выль тӧлыськӧд ӧттшӧтш
Горт пристаньӧ чеччас
Лӧз синъяса тӧдса пилот.

Рыт колльӧдны волӧ,
Мед тӧдны, кыдз ола
Ме, бакенъяс видзысьлӧн ныв.
Кӧть сёрнитны сыкӧд
И абу зэв сьӧкыд,
Но мыйлакӧ вошлывлӧ кыв.

Мед частӧджык волӧ
Да кузьджыка олӧ;
Сэк тӧдмала: радейтӧ оз.
Ме ӧзтася ачым,
Мед бурджыка аддзӧ,
Да бӧр теплоходыс оз кос.

 КОМИ АНЬ
   Кывъясыс Г.Юшковлӧн   Музыкаыс Я.Перепелицалӧн

Ичӧтик да косіник,
Чукырӧсь да дзор,
Шоныдінас, косінас
Уджавлін тэ кор?!
Гӧрлін тэ да ытшкылін,
Бертлін сывъя пу.
Тӧдлін кочӧг бытшкылӧм,–
Мудзтӧ он нин шу!

Ок мыйта,
Мыйта сьӧкыдсӧ пыкин да венін!
Но эн измы – век мелі да шань.
Вай жӧ енлы моз копыртчам тэныд,
Коми ань.

Война вылысь верӧсыд
Юрсӧ бӧр эз вай.
Сэки, тэрыб вӧраса,
Вӧчин кыклысь пай.
Пӧдтін гусьӧн дойястӧ,
Сьӧлӧмнад эн усь.
А ӧд мустӧм войясыд –
Быдӧн сэтшӧм кузь!

Ок мыйта,
Мыйта курыдсӧ пыкин да венін!
Но эн измы – век мелі да шань,
Вай жӧ енлы моз копыртчам тэныд,
Коми ань.
Колин посни челядьӧн,–
Пасьтӧд найӧс, верд.
Но эн некор элясьлы,
Видлывлін кӧть, дерт.
Абу вывсьыд кымынӧс
Велӧдін тэ со.
Коді лыддяс, кымынӧс
Пуктін налы ноп!

Ок мыйта,
Мыйта тшыгӧмсӧ пыкин да венін!
Но эн измы – век мелі да шань.
Вай жӧ енлы моз копыртчам тэныд,
Коми ань.

Воясыд оз косавны,
Чукырсьыд он мын.
Ичӧтик да косіник,–
Кутшӧм тэнад вын!
Миян олӧм сулалас
Уна–уна нэм,
Лӧза–вежа му вылас
Тэ кодьыс кор эм!

Ок мыйта,
Мыйта шогсӧ тэ пыкин да венін!
Но эн измы – век мелі да шань.
Вай жӧ енлы моз копыртчам тэныд,
Коми ань.

 МАРЬЯМОЛЬ
   Кывъясыс Г.Юшковлӧн   Музыкаыс В.Мастеницалӧн

Визув юӧ петӧ ёль,
Петӧ ёль
Быдмӧ сэтӧн марьямоль,
Марьямоль.

Сикӧтш вылӧ куим–нёль,
Куим–нёль
Колӧ дзоридз марьямоль,
Марьямоль.

Муса зонмӧй, энлы коль,
Энлы коль,
Кыкӧн корсям марьямоль,
Марьямоль.

Локта гортӧ гиль до голь,
Гиль да голь.
Вая сьӧрысь марьямоль,
Марьямоль.

Сӧмын унасӧ ог доль,
Ме ог доль,
Кодкӧд воті марьямоль,
Марьямоль.

 ЧОЛӦМ ТЭНЫД, МОЗЫН Ю
   Кывъясыс В.Поповлӧн   Музыкаыс Я.Перепелицалӧн

Чолӧм тэныд, Мозын ю,
Вайи Изьва юсянь.
"Чолӧм" кывсӧ коть ог шу,
"Видза олан" шусяс.

Лӧз ю дорын, сӧдз ю дорын
Мед нимкодясьӧ лов.
Тэ, Удора, тэ, Удора,
Век асшӧр мичнад ов.

Чолӧм, Вашка юӧй, тэн
Леткасянь и Лузсянь.
Ӧтув гаж ко тан и сэн,
Кодлы нӧ сэк узьсяс?


Лӧз ю дорын, сӧдз ю дорын
Мед нимкодясьӧ лов.
Тэ, Удора, тэ, Удора,
Век асшӧр гажнад ов.

Луныс–войыс лыд ни тшӧт,
Кадыс кывтӧ гора.
Татчӧс йӧзлы радӧсь тшӧтш
Эжва и Печора.

Лӧз ю дорын, сӧдз ю дорын
Мед нимкодясьӧ лов.
Тэ, Удора, тэ, Удора,
Век ыджыд шудӧн ов!

 ГӦРД ПЕЛЫСЬ
   Кывбурыс В.Кушмановлӧн    Комиӧдіс Вл.Попов   Музыкаыс Я.Перепелицалӧн

Пелысьлысь розъяс,
Зэв кыпыд да яр,
Лӧз джуджыд тыӧ
Со шыбитіс ар.

Мыйысь мелілун тэнад,
Гӧрд пелысь, гӧрд пелысь?
Шенасьысь турияс тувйысь –
Мелідун, пелысь.

Чӧвусяс вӧй тӧв,
И зумышмас вӧр,
Пелысьяс горулын
Вочасям бӧр.

Мыйысь радлуныд тэнад,
Гӧрд пелысь, гӧрд пелысь?
Шенасьысь турияс тувйысь –
Радлуныд, пелысь.

Челядь дыр кадсянь
Ме пи тэн и вок.
Татчӧ, кӧн чужлі,
Ог ӧтчыд на лок.

Мыйысь сьӧлӧмыд тэнад,
Гӧрд пелысь, гӧрд пелысь?
Шенасьысь турияс тувйысь –
Сьӧлӧмыд, пелысь.

Налы, код сьӧлӧмнас
Муслунӧн тыр,
Пелысьсянь кодзувьяс
Югзьӧны пыр.

Мыйысь сьыланыд тэнад,
Гӧрд пелысь, гӧрд пелысь?
Шенасьысь турияс тувйысь –
Сьыланыд, пелысь.

 ВОШИ ГОРТӦ МУНАН ТУЙЫС
   Кывъясыс В.Власовлӧн   Музыкаыс П.Чисталёвлӧн

Дзоридз тыра киӧн тулыс
Ӧвтчӧ тані рытывбыд.
Воши гортӧ мунан туйыс,
Воши воськовъяслӧн лыд.

Тулыс, тулыс, мый тэ вӧчан,
Мыйла нинӧмысь он пов?
Мыйла вӧля вылӧ лэдзан
Вывті ышмӧдан любов?

Сійӧ талун ворсӧ микӧд:
Весиг мӧвпыштны оз сет.
Гашкӧ, дзикӧдз воштас пикӧ,
Оз ко дорйысьысь мен шед.

Тулыс, жалитышт том нылӧс:
Веськӧд гортӧ мунан туй,
Сӧмын радейтӧм эн ылӧст,
Пыдӧ дзебасӧ эн сюй.

 ТУЛЫСЫН МУ ВЫВТІ ВЕТЛӦДЛӦ ЛЮБОВ
   Кывъясыс А.Ванеевлӧн   Музыкаыс П.Чисталёвлӧн

Сӧстӧммис да мичаммис
Енэжыслӧн рӧм.
Эжва берег пасьтала
Дзоридзалӧ льӧм.
Сэки шуда йӧзлӧн
Медся кыпыд лов:
Тулысын му вывті
Ветлӧдлӧ любов.

Сэки мича турунӧн
Вежӧдӧ видз выв,
Сэки мортлӧн сьӧлӧмын
Чужӧ сьыланкыв.
Некод тувсов кадӧ
Зумыша оз ов:
Тулысын му вывті
Ветлӧдлӧ любов.

Шудаа сэк нюммунас
Нывлӧн чужӧмбан,
Аддзас сійӧ мусуксӧ,
Коді медся шань.
Гажтӧмчыны сэки
Нинӧмысь оз ков:
Тулысын му вывті
Ветлӧдлӧ любов.

Тувсов югыд лунъясӧй,
Донаясӧй ті,
Сьӧлӧмъясын ӧзталӧй
Радейтчӧмлысь би,

Медым сэки некод
Муслунтӧг оз ов:
Тулысын му вывті
Ветлӧдлӧ любов.

 КУЗЬ СЫРЪЯ ЧЫШЪЯН
   Кывъясыс С.Поповлӧн   Музыкаыс П.Чисталёвлӧн

Войтӧв пӧльтӧ паныд,
Сотӧ чужӧмбан,
Козьнав меным, мамӧй,
Кузь сыръя чышъян.
Сылӧн паськыд дорас
Уна рӧма визь –
Изьва бердса дзоридз
Мичмӧдіс веж видз.

Чышъянася–вӧчча,
Ӧшӧдчас быд сыр,
Ме бӧрся мед вӧтчас
Муса зонмӧй пыр.
Сувта сылы паныд,
Восьта чужӧмбан...
Козьнав, козьнав, мамӧй,
Кузь сыръя чышъян!

 ВОЙВЫВ – ЮСЬЯСЛӦН ЧУЖАНІН
   Кывъясыс В.Поповлӧн   Музыкаыс А.Рочевлӧн

Дзоля юӧй, тэ тёльгысь гора,
Татысь лым бара сыліс кор,
Усис вӧтӧн мен муса Печора,
Локтысь юсьяслӧн кыпыд гор.
Сӧстӧм шыӧн сэн шувгӧ тулыс:
Юсьяс локтӧмлы сійӧ рад,
Вежӧ бансӧ и войвыв мулысь
Еджыд лэбачьяс воан кад.

Бара шонді сэн ветлӧ вылі,
Долыд тӧв бара ветлӧ сэн.
Лымъя шебрас сэн бара сылӧ,
Вайӧ нимкодьсӧ тшӧтш и мен.
Муса войвыв быд юсьлы вӧзъяс
Первой луч, первой шы и зэр.
Бордъяс улын быд юсьлы ӧзъяс
Чужанінныслӧн югыд сер.

Лэбӧй, юсьяс, Печора весьтӧ.
Гортӧ вотӧдз мен абу дыр.
Регыд кылалас йиыс и эстӧн.
Эстӧн ю асшӧр визувӧн тыр.
Кайӧ том ру сэн воссьӧм мусьыс.
Вына борд, тэрыб борд он дом.
Чут кодь ӧвтӧ со бӧръяджык юсьыс,
Быттьӧ мамӧлӧн чышьян пом.