 КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КУПИТЬ AUDIO CD КНИГИ |
КОМИ КУЛЬТУРА ГРАММАТИКА СЛОВАРИ ЛИТЕРАТУРА МУЗЫКА ТЕАТР ЭТНОГРАФИЯ ФОТОАРХИВ КУПИТЬ AUDIO CD КНИГИ |
110 Тӧлыс жургӧ, тӧлыс жургӧ, Радиосӧ бушуйтӧ. | 111 Тайӧ пусӧ, мича пусӧ Ценнӧй вылӧ пӧрӧда. | 112 Шондібанӧ, шондіӧ, Менсьым сьӧлӧм шонтысьой, |
| |||
Милӧйыс кылӧ, кылӧ, Гора ворсана сьылӧ. | Тайӧ зонсӧ, муса зонсӧ, Милӧй вылӧ бӧрйӧда. | Шондібанӧ, милӧйӧ, Менсьым сьӧлӧм косьтысьӧй. | ||||
113 Мича кыддзӧ, том кыддзӧ, | 114 Ӧшинь улын кыдз сулалӧ, | 115 Ой, томлунӧй, томлунӧй, | ||||
Томӧн тай кералісны. Мича зонмӧ, том зонмӧ, | Корйыс пырк да пыркмунӧ. Ӧшинь увті зон мунӧ да | Алӧй цвет кодь томлунӧй. Томсянь зонкӧд сёрнитчӧма,– | ||||
Томсянь тай гӧтралісны. | Кокнас стук да стук сетӧ. | Быри вӧля гажлунӧй. | ||||
116 Колӧма жӧ купайтчыны, | 117 Мыйӧн, мамӧ, тэ тӧдан | 118 Эг кӧсйылӧ янсӧдчыны, | ||||
Кӧть и кӧдзыд вӧлӧма. Колӧма жӧ любитчыны, Кӧть и ылысь вӧлӧма. | Емва юлысь пасьтасӧ. Мыйӧн, мамӧ, тэ тӧдан Кӧнисьыс бур зонъяссӧ. | Дай смекӧн моз янсалім, Онежьеын вӧлӧстьын Куим час ми прӧщайтчим. | ||||
119 Кор нин бара, кор нин бара, Кор нин бара аддзысьлам. | 120 Менам милӧй бестӧлкӧвӧй, Толькӧ корӧсь чегъявны. | 121 Сё чӧлкӧвӧя гудӧк Эз вермы менӧ гажӧдны. | ||||
Кор нин бара аддзысьлам Да важ сёрнисӧ сёрнитам. | Поспомӧдз менӧ колльӧдіс, Ӧтпыр эз куж окыштны. | Кык чӧлкӧвӧя гудӧкыс Аслам милӧйлӧн гажӧдіс. | ||||
122 Со тай милӧйлӧн керкаыс, Со тай сылӧн кильчӧыс. Сӧмын милӧй абу гортас Оз кыв сылӧн гӧлӧсыс. | 123 Шондібанӧй, рудзӧг няньӧй, Мамӧлӧн пӧжалӧмӧ; Шондібанӧй, милӧйӧ, Дум вылысь вошлытӧмӧ. | 124 Милӧйӧй, милӧйӧй, Ӧзъян сись кодь милӧйӧй. Ӧзйин, ӧзйин дай кусін, Любитін дай эновтін. | 125 Кысь тэд, мамукӧй, тӧднысӧ Емваыслысь джудждасӧ. Кысь тэд, мамукӧй, тӧднысӧ Миянсьыным олӧмсӧ. | |||
126 Мича шабді, мича шабді Талун лунтыр зуалі. Ачым тӧда кодкӧд ветла, Некодлысь ог юавлы. | 127 Дыр пукалі, дыр олі: Милӧй мӧдкӧд мунӧма. Ёна скорми, горӧді, Гудӧк кӧвсӧ орӧді. | 128 Шондібанӧй, том кадӧй, Гажаа жӧ нин колин. Коркӧ, гашкӧ, казьтыштчас, Шогпыр бара гарыштчас. | 129 Ӧшинь дорын ныв пукалӧ, Носӧвик вышивайтӧ. Кӧлӧкӧла вӧла кылӧ – Милӧйсянь письмӧ вайӧ. | |||
130 Унмӧй локтӧ да оз узьсьы: Узь, менам пӧдушкаӧй. Ог терпит, пета видзӧдла, Кӧн гуляйтӧ милӧйӧй. | 131 Кӧн тэ тӧлысь, кӧн тэ шонді, Кӧн тэ кодӧс шонӧдан? Кӧн тэ милӧй, кӧн тэ, жальӧй, Код йылысь тэ думайтан? | 132 Милӧй окаліc да шуис, Тэтӧг ӧти лун ог ов. Мӧд ныв дорӧ мунӧма, Меысь муса лоӧма. | 133 Мый нӧ, Агни, татшӧн жугыль, Вай жӧ гажаджыка ов. Тэнӧ зоньяс любитӧны, Зонъяс водзын тэ он пов. | |||
134 Любӧ вӧлі любитчыны, Забеднӧ торйӧдчыны. Куим сутки йӧй моз олі, Эг юлы ни эг сёйлы. | 135 Миян Визин абу ыджыд, Сартасӧн мерайтамӧ. Менам милӧй абу ылын, Быд рыт ми аддзысьламӧ. | 136 Делӧ, делӧ ва пыдӧсысь Посни гальки ӧктыны. А ещӧ на сыысь делӧ Зонлысь думсӧ тӧдмавны. | 137 Небесаысь кодзув уси Веськыд линия вылӧ. Менӧ, милӧй, переведит Аслад фамилия вылӧ. | |||
138 Ме кӧ кула, менӧ дзебӧ Маті дзоля гуранӧ: Мед ме аддза, мед ме кыла Милӧйлысь бӧрдӧм шысӧ. | 139 Балалайка абу менам, Толькӧ струнаыс менам. Тайӧ зонмыс абу менам, Толькӧ славаыс менам. | 140 Доддялі ме каньӧс паньӧ, Тӧрӧканӧс рӧзвальӧ. Пуксьӧді ассьым милӧйӧс, Нуа выставка вылӧ. | 141 Али, али эг велӧдчы, Али эг старайтчывлы, Став велӧдчӧм пропадитіс Тайӧ гуляйтӧм ради. | |||
142 Гудӧкӧй, пӧ лэчыд гӧлӧс, Гажӧд менсьым сьӧлӧмӧс. Сьылышта ме частушкаяс Ӧнія гуляйтӧмӧс. | 143 Кӧн ми милӧйкӧд судалім – Лымйыс муӧдзыс сылі. Кытчӧ синва тусь войтыштіс – Сэтчӧ алӧй цвет петіс. | 144 Лэдзӧй менӧ гӧра саяс Шорсьыс киӧс мыськыны. Лэдзлӧ менӧ милӧй дінӧ Любовь йылысь сёрнитны. | 145 Модлапӧлын коз пу вылын Кык воробей сьылӧны. Батьӧ–мамӧ сёрнитӧны, Велӧдчыны ыстӧны. | |||
146 Тайӧ букет ме любита Аслас мича цвет вӧсна. Тайӧ зонсӧ ме любита Аслас мелі кыв вӧсна. | 147 Мыйла тайӧ март тӧлысьыс Та дыра кӧдзыдалӧ? Мыйла тайӧ важ милӧйӧ Менсьым сьӧлӧмӧс косьтӧ? | 148 Гудӧк бӧрся сьывны куті, Зэв ӧд ме сьылысь волі. Гудӧкасьысьӧс любиті, Гудӧк бӧрся йӧктывлі. | 149 Миян сиктын уна домъяс, Сӧмын ӧти медмича. Миян сиктын уна нывъяс, Сӧмын ӧти медмуса. | |||
150 Менам вӧлі кык чунькытш, Ог тӧд кодсӧ новлыны. Менам вӧлі кык милӧй, Ог тӧд кодсӧ любитны. | 151 Ӧшинь улын кыдз сулалӧ, Петала да керала. Ӧшинь дорын зон пукалӧ, Петала да окала. | 152 Мамӧ, самӧвартӧ пукты, Зӧлӧтӧй чашкатӧ вай. Лок, пӧдруга, чайтӧ юны, Вышивайтӧм ковтанад. | 153 Мамӧ узь, мамӧ узь,– Ме тэнӧ и шебрала. Ва сайын гудӧка кылӧ, Кывзыны ме петала. | |||
154 Колӧ, колӧ дорӧдны да Ыргӧн кӧлӧкӧльчик. Колӧ, колӧ мӧдӧдны Милӧйлы поклончик. | 155 Ыджыд чукыль, еджыд дом, Ӧшиньясыс восьса. Кепка вывті кудри кайӧ – Тайӧ менам зонка. | 156 Мем милӧйӧй пӧдаритіс Кызь вит пиня гребёнка. А ме сылы пӧдариті Ассьым любовь вернӧйӧc. | 157 Милӧйӧй куражитчӧ, Виччысьӧ уважитӧм. Эн виччысь уважитӧм, Виччысь тэ ӧткажитӧм. | |||
158 Лыа вывті кодкӧ локтӧ, Мольяссӧ пӧрччалӧма. Походка сертиыс тӧді, Менам милӧй вӧлӧма. | 159 Мыйла бара тэ, тӧлысьӧй, Абу шоныд, а югыд. Мыйла бара тэ, милӧйӧй, Абу мича да любӧ. | 160 Кӧть менам и сыръя шальӧй, Сыръя да век новла тай. Кӧть менам ылын милӧйӧй, Ылын да век думайта. | 161 Сиктӧ ӧд пӧ ми каям, Зонъяс воча локтӧны. Колошаӧсь, камашаӧсь, Папирос куритӧны. | |||
162 Мыйла, мамӧй, тэ тӧдан Емва юлысь пасьтасӧ. Мыйла, мамӧй, тэ тӧдан Менсьым сьӧлӧмсьым шогсӧ. | 163 Шондібанӧй, носӧвикӧй, Пӧжи да гӧрдӧдӧма. Шондібанӧй, милӧйӧй, Любитлі – эновтӧма. | 164 Шӧвк кодь мича пуксис луныс, Милӧй гӧрӧ тракторӧн. Уджын медводзын ми мунам, Лӧсялам характерӧн. | 165 То со кыкӧн локтӧны – Тэнада–менамаяс. Тэнад сатин дӧрӧма, Менам сигудӧкасьӧ. | |||
166 Кудель ниста, кудель ниста Краскаа пызан вылын. Милӧй локтіс – тунъяліс, Мамӧй локтіс – пиняліс. | 167 Выль пыжанӧй, выль пыжанӧй, Море шӧрын плавайтан. Милӧянӧй, милӧянӧй, Ылӧ жӧ нин мӧдӧдчан. | 168 Сьӧкыд жӧ нин кыр воччаыс, Кыр воччаыс ветлыны. Нелямын раз ещӧ сьӧкыд Милӧйкӧд янсӧдчыны. | 169 Жальӧн коли тайӧ тулыс, Зэв жӧ нин гажа вӧліc. Жальӧн колис тайӧ зонмыс, Зэв жӧ нин любӧ вӧліс. | |||
170 Кӧть и милӧй изменитіс, Кӧть и менӧ вунӧдіс, Благодарита сы вылӧ, Кӧть времясӧ колльӧдіс. | 171 Чери сёйи, чери сёйи, Чери сьӧлӧмсӧ эг сёй. Код сайӧ кӧсйылі мунны, Мамӧ сы сайӧ эз сет. | 172 Сьӧлӧмсӧ да дӧрӧмсӧ Шонді водзын ме косьта. Милӧйсӧ да дролясӧ Мелі кывйӧн бурӧда. | 173 Сьӧлӧмӧй, дӧромӧй, Ена жӧ кӧтасьӧма. Милӧйӧй–дроляӧй, Ёна жӧ лӧгасьӧма. | |||
174 Но сёморӧ, тайӧ каньыс Став йӧвсӧ тай лакӧма. Но сёморӧ, тайӧ милӧй Паччӧрас ылалӧма. | 175 Мамӧ, водзтӧ эн чеччы, Мӧсъястӧ водз эн лэдзав. Найӧ вӧрӧ каясны, Кӧчьясӧс люкаласны. | 176 Садйӧ пета, юр ӧшӧда, Шуа туруныслы тадз: Коді муса, коді жаль, Сӧмын сійӧ абу тан. | 177 Звӧз вылын курӧг пукалӧ Ой, кургӧ, кургӧ, кургӧ. Менам милӧйӧй готрасьӧ, Меысь мисьтӧмӧс вайӧ. | |||
178 Эз кӧ вӧв уткалы жар, Йи коласӧд эз уяв. Эз кӧ вӧв милӧй мен жаль, Прӧста синва эг кояв. | 179 Нывъяс, юын эн купайтчӧ, Ылӧдз ӧд кылаланныд. Нывъяс, ылын эн любитчӧ, Ылӧдз ӧд нималанныд. | 180 Менам гӧлӧсӧй бырӧма; Ньылӧм вылӧ юсьӧма. Менам милӧй лӧгасьӧма, Пӧдруга суклясьӧма. | 181 От гӧраыс, От гӧраыс От гӧраыс тыдалӧ. Ӧкаяннӧй От гӧраыс Менсьым сыӧлӧмӧс косьтӧ. | |||
182 Со тай милӧйлӧн керкаыс, Со и кильчӧ пос помыс. Кӧмасьӧма, пасьтасьӧма, Рыт ветлыны мӧдӧма. | 183 Шондібанӧй, небыд няньӧй, Мамӧлӧн пӧжалӧма. Шондібанӧй, куа няньӧй, Чойӧлӧн вӧсньӧдӧма. | 184 Ставыс пара, ставыс пара, Сӧмын ме абу пара. Гортӧ ветла, параася Да и гуляйтны муна. | 185 Менӧ милӧйӧй колляліс Рябина кустъяс дорӧдз. "Сэсся,– шуӧ,– ог аддзысьлӧй Мӧд во та пӧраясӧдз". | |||
186 Любита – шуӧны, Ог любит – шуӧны. Лучшӧ кута любитны, Мед этша шуӧны. | 187 Радейта ме тӧвлысь жургӧм, Льӧм пу корлысь тӧвзьӧмсӧ. Радейта ме муса зонлысь Кильчӧ помӧдз колльӧмсӧ. | 188 Кӧч кок туйӧ руч сувталӧ, Кӧчлысь локтӧм кыйӧдӧ. Письмӧ гижи ме милӧйлы, Ӧтвет сысянь виччыся. | 189 Мича кыдзӧй, кудраш кыдзӧй, Гажа жӧ нин шпорӧдчан. Югыд шонді, муса зонмӧй, Ёна жӧ нин гажӧдчан. | |||
190 Рытыввывсянь оз пет шонді, Тӧлысь шоныдсӧ оз сет. Эн тэ кӧлась, шуа тэныд, Мустӧм сайӧ ме ог пет. | 191 Мича шабді, еджыд шабді, Талун лунтыр зуалі. Ачым тӧда, кодкӧд ветла, Некодлысь эг юавлы. | 192 Мамӧ узьӧ паччӧр вылын, Ме узя пӧлать вылын. Мамӧ шогсьӧ ме понда, Ме шогся милӧй понда. | 193 Мыйла, мамӧй, уна вуран, Мыйла уна лӧсьӧдан? Неужели лишнӧй лои, Верӧссайӧ мӧдӧдан? | |||
194 Регыд, регыд воасны Мича сьылысь кайяс. Эжва кузя пароходыс Лэччылас да кайлас. | 195 Редька сёйи – эг курдыв, Галан сёйи – эг юммыв. Сэтшӧм мортӧ веськалі, Курыд и юмов тӧдлі. | 196 Кыдз рос кӧсйи чегьявны, Мичаджыкыс вылынджык. Нылйс кӧсйи тай любитны – Мичаджыкыс ылынджык. | 197 Лӧсьыд пожӧм ягын овны, Тӧла дырйи оз сёй ном. Лӧсьыд жӧ зонмӧс любитны, Кодлӧн абу паськыд вом. | |||
198 Ме любитлі Кольсӧ, Ваньсӧ, Ме любитлі кыкнансӧ: Кольсӧ пӧ гудӧк вылӧ, Ваньсӧ пӧ жӧник вылӧ. | 199 Лӧсьыд пожӧм ягын овны: Тӧла дырйи оз сёй ном. Лӧсьыд жӧ зонмӧс любитны, Коді мича, коді том. | 200 Мамӧ сетіс еджыд чышъян, Еджыд чышъян дыр эз ов. Мамӧ сетіс мустӧм сайӧ, Мустӧм сайын дыр эг ов. | 201 Гӧлӧс вӧлі, гӧлӧс вӧлі, Гӧлӧс вӧлі — сьывлывлі, Гӧлӧс вӧлі — сьывлывлі, Гудӧкаӧс радейтлывлі. | |||
202 Сімдор туй кузя ме муна, Ньӧжйӧника тувччала. Милӧй керка дорӧ воа, Гусьӧникӧн видзӧдла. | 203 Кольӧма менам том пӧра, Кольӧма дас сизим во, Исковтӧма–прӧйдитӧма, Некор бӧр сійӧ оз во. | 204 Кывтыдпомас, кывтыдпамас Могӧй абу да ветла. Кӧть и милӧй абу гортас, Дом вылас кӧть видзӧдла. | 205 Кык пӧдружка ёна ладмим, Сёйим–юим ӧтлаын. По кавалеру имеитім, Бӧрнас ӧтиӧ воим. | |||
206 Оз ков меным уна чунькытш, Ӧти да мед зӧлӧтӧй. Оз ков меным уна милӧй, Ӧти да мед надейнӧй. | 207 Милӧйӧй, милӧйӧй, Шобді булки чужӧмӧй, Шобді булки чужӧмӧй, Юмов преник вомдорӧй. | 208 Кӧні менам пыжӧй–поскӧй, Сэн менам перевозӧй. Кӧні менам муса зонмӧй, Сэн менам долыдлунӧй. | 209 Коркӧ, гашкӧ, йи кылалӧ, Коркӧ, гашкӧ, ва воссяс. Коркӧ, гашкӧ, менам милӧй Бӧр на ме дінӧ воас. | |||
210 Кор на ме дзоля вӧлі, Мамӧ дорын узьлывлі. Кор мем дас квайт арӧс тырис, Бать–мам дорысь торъялі. | 211 Ме кӧ тӧді ваыс джуджыд, Ме сэн эг и купайтчы. Мё кӧ тӧді зонмыс дурак, Сійӧс эг и любитлы. | 212 Удж бӧрын ме сиктӧ муна Гудӧк кузя йӧктыны, Сьӧлӧм косьтысь муса зонсӧ Морӧс бердам топӧдны. | 213 Ӧшинь вылын цвет сулалӧ, Алӧй цветӧн цветитӧ. Ӧшинь увті зон мунӧ да Менсьым вежӧс петкӧдлӧ. | |||
214 Кусі, кусі югыд шонді, Эз кут менӧ шонӧдны. Вунӧдіс тай менӧ жальӧй, Эз кут письмӧ ыстыны. | 215 Менам вӧлі алӧй цвет, Ӧшинь дортӧг эз цветит. Менам вӧлі милӧй жӧник, Пыравлытӧг эз прӧйдит. | 216 Визув жӧ нин тайӧ юыс, Ӧдйо жӧ нин кылӧдӧ. Хитрӧй жӧ нин тайӧ зонмыс Ӧдйӧ жӧ нин ылӧдӧ. | 217 Утка кывтӧ, утка кывтӧ, Юрсӧ чатӧртӧма да, Милӧй локтӧ, милӧй локтӧ, Юрсӧ кудритӧма да. | |||
218 Нывъяс, чайтӧ энӧ юӧ Кампеттӧг, завариттӧг. Нывъяс, зонтӧ эн радейтӧ Характерсӧ тӧдмавтӧг. | 219 Мыйла бара ме нетшышті Кисьмытӧм оз розсӧ. Мыйла бара ме радейті Из сьӧлӧма зонсӧ. | 220 Визув жӧ нин тайӧ юыс, Ӧдйӧ жӧ нин кылӧдӧ. Тӧдан жӧ ассьыд паратӧ, Код тэ вылӧ видзӧдӧ. | 221 Кӧнкӧ, кылӧ, ылын, кылӧ, Кӧлӧкӧльчик горалӧ. Милӧй флотскӧй шапка бӧрын Сьӧд ленточка дӧлалӧ. | |||
222 Ме ог радейт кыса кокӧс, Ме ог радейт пьянникӧс. Ме радейта шикарнӧйӧс, Лӧсьыдӧс да мичаӧс. | 223 Небесаысь кодзув уси, Изьва шӧрӧ веськаліс. Милӧйлы ылӧдчӧмсьыс Кӧсӧй синма веськаліс. | 224 Оз косьты менӧ гудӧкыс, Ни пельпомвыв волысыс, Косьтӧ менӧ, коньӧр нылӧс, Милӧйлӧн мелі кывйыс. | 225 Гудӧкыс кӧ гора вӧлі, Пыр на важкодь гӧлӧсыс. Милӧйлы кӧ муса вӧлі, Пыр на важмоз радейтіс. | |||
226 Рытыс гажтӧм, войыс пемыд, Вайӧ меным колльӧдысь. Колльӧдысьыс медым вӧлі Зэв мастер гудӧкасьысь. | 227 Пуксьы, милӧй, пидзӧс вылӧ Да видзӧдлы ме вылӧ. Став шоглунӧй менам вошис, Ставыс тайӧ тэ вӧсна. | 228 Кор нин бара, кор нин бара Субӧтаыс воас–а, Субӧта воскресеньеӧ Ме милӧйӧс аддзывла. | 229 Час жӧ, час жӧ ме лэччыла Изьва дорӧ чай вала. Гашкӧ, сэтысь ме аддзыла Ассьым муса милӧйӧс. | |||
230 Вӧлі кӧ ме гудӧк дорас, Кужи эськӧ сьывнысӧ. Вӧлі кӧ ме милӧй дорас, Кужи эськӧ овнысӧ. | 231 Кӧньӧрӧй, уткай, Кӧдзыд ваын уялан, Кӧньӧрӧй, менам милӧйӧй, Мустӧм нылӧс радейтан. | 232 Ылын, ылын, гумла дорын Кык гулю кокасьӧны. Бикинь дорын, важ керкаын Зон да ныв окасьӧны. | 233 Вика зорӧд, вика зорӧд, Вика зорӧд пӧрӧма. Менам милӧй армияын Герой смертьӧн кулӧма. | |||
234 Ме радейта тӧвлысь шувгӧм, Льӧм дзоридз шатайтчӧмсӧ. Ме радейта милӧйлысь Поспомӧдз колльӧдӧмсӧ. | 235 Шӧралі, вурнысӧ ог куж Гӧлубӧйысь ковтасӧ. Радейті, вунӧдныс ог куж Милӧйлысь походкасӧ. | 236 Эг кӧсйы ме бӧрдлынысӧ Любовь вӧсна некодыр. Эг и тӧдлы синва петіс Любовь вӧсна пырысь–пыр. | 237 Гӧрд сатинысь ковта вури, Морӧссӧ вышивайті. Милӧйлы письмӧ гижи, Сьӧлӧмсӧ расстроиті. | |||
238 Василейӧй, муса зонмӧй, Радейта ме тэнӧ. Вӧльнӧй свет мен оз ло муса, Вунӧдан кӧ менӧ. | 239 Мый нӧ, милӧй, мигайтчан, Пустӧ синтӧ портитан? Ме тӧда и понимайта, Мый тэ менӧ ылӧдлан. | 240 Тыдалӧ, тай, тыдалӧ, Кыдз пу кор вежӧдӧма. Тыдалӧ, тай, тыдалӧ, Милӧйӧ вунӧдӧма. | ||||
 Notes: Chastushka — four–line song or rhymed poem on humorous or ironic style. | ||||||
Vidhza olan! Vidhza koram! КОМИ КУЛЬТУРА ФОТОАРХИВ copyright 2008–2012 © foto11.com Contact Поиск |
